1 Bakorinto 8:1-13

  • Madia yina bo pesaka na biteki (1-13)

    • Sambu na beto, Nzambi kele kaka mosi (5, 6)

8  Ntangu yai, sambu na madia yina bo ke pesaka na biteki:+ Beto me zaba nde beto yonso kele ti nzayilu.+ Nzayilu ke kumisaka muntu lulendo, kansi zola ke tungaka.+  Kana muntu ke yindula nde yandi me zaba kima mosi, yandi me zaba yo ntete mbote ve mutindu yandi fwete zaba yo.  Kansi kana muntu ke zolaka Nzambi, muntu yina me zabana na yandi.  Sambu na kudia madia yina bo ke pesaka na biteki, beto me zaba nde kiteki kele kima ve+ na nsi-ntoto mpi nde Nzambi kele kaka mosi mpamba.+  Sambu ata kele ti bayina bo ke bingaka banzambi, yo vanda na zulu to na nsi-ntoto,+ mutindu “banzambi” kele mingi mpi “bamfumu” kele mingi,  na kutuba ya kieleka, sambu na beto, Nzambi kele kaka mosi,+ Tata;+ bima yonso me katukaka na yandi, mpi beto ke zingaka sambu na yandi;+ mpi Mfumu kele mosi, Yezu Kristu; bima yonso kele na nzila na yandi,+ mpi beto ke zingaka na nzila na yandi.  Bantu yonso ve kele ti nzayilu yai;+ kansi bantu ya nkaka, sambu na bangwisana na bo ya ntama ti kiteki, bo ke diaka madia bonso kima yina bo me pesa kimenga na kiteki,+ ebuna kansansa na bo, yina kele ngolo ve, kele ya kubeba.+  Kansi madia ta nata beto ve pene-pene kibeni ti Nzambi;+ kana beto dia ve, beto ta konda ve ata kima, mpi kana beto dia, beto ta baka ve ata kima.+  Kansi beno landa kukeba sambu nswa na beno ya kusola kukuma ve kima ya ke budisa sakuba sambu na bantu yina kele ngolo ve.+ 10  Sambu kana muntu kumona nge muntu yina kele ti nzayilu, nge me vanda mpi nge ke dia na tempelo ya kiteki mosi, keti kansansa ya muntu yina ya kele ve ngolo ta baka ve kikesa ya kudia madia yina bo me pesaka na biteki? 11  Ya kieleka, muntu yina kele ngolo ve, mpangi na nge yina Kristu fwaka sambu na yandi,+ lukwikilu na yandi ke beba sambu na nzayilu na nge. 12  Ntangu beno ke sala disumu na bampangi na beno na mutindu yai mpi beno ke lwadisa kansansa na bo yina kele ngolo ve,+ beno ke sala disumu na Kristu. 13  Yo yina kana madia ke budisa mpangi na mono sakuba, mono ta dia diaka ve mbisi ata fioti, sambu mono budisa ve mpangi na mono sakuba.+

Banoti na nsi ya lutiti