Kwenda na mambu ke na kati

Kwenda na tansi ya malongi

Bamvutu na Bangiufula ya Biblia

Bamvutu na Bangiufula ya Biblia

Keti bafwa ta zinga diaka?

Ngangi ya luzingu lenda vutula mpenza bantu na luzingu

Yehowa Nzambi kele Nto ya luzingu. (Nkunga 36:9) Keti yo kele ve pwelele nde yandi ta futumuna bantu yina me fwaka? Biblia ke songa beto nde yandi ta sala yo na bilumbu ke kwisa. (Tanga Bisalu 24:15) Kansi sambu na nki yandi ta sala yo?

Na luyantiku, lukanu ya Ngangi vandaka nde muntu kuzinga kimakulu na ntoto. (Kuyantika 1:31; 2:15-17) Lukanu na yandi yai me sobaka ve sambu na bantu. Yandi ke waka mpasi ntangu yandi ke monaka mambu ya beto ke kutana ti yo bubu yai, disongidila luzingu ya nkufi mpi ya me fuluka ti bampasi.Tanga Yobi 14:1, 14, 15.

Bantu yina ta futumuka ta zinga na wapi?

Keti Nzambi salaka muntu sambu na kuzinga na zulu? Ve. Nzambi salaka bawanzio sambu bo zinga na zulu. Kansi, yandi salaka bantu sambu bo zinga na ntoto. (Kuyantika 1:28; Yobi 38:4, 7) Beto baka mbandu ya bantu yina Yezu futumunaka. Yandi vutulaka bo na luzingu awa na ntoto. Mutindu mosi, bantu mingi yina ta futumuka na bilumbu ya ke kwisa ta vutuka na luzingu awa na ntoto.Tanga Yoane 5:28, 29; 11:44.

Kansi, Nzambi me ponaka bantu fioti yina ta futumuka sambu na kuzinga na zulu. Kuna, bo ta vanda ti nitu ya kimpeve. (Luka 12:32; 1 Bakorinto 15:49, 50) Bantu yina ta futumuka sambu na kuzinga na zulu ta vanda bantotila ti Kristu mpi ta yala bantu na ntoto.Tanga Kusonga 5:9, 10.