Kwenda na mambu ke na kati

Kwenda na tansi ya malongi

 DISOLO YINA KELE NA LUTITI YA ZULU | NGE LENDA KWENDA PENE-PENE NA NZAMBI

Kele Ve ti Luzingu ya Nkaka ya Mbote Kuluta Yai

Kele Ve ti Luzingu ya Nkaka ya Mbote Kuluta Yai

Inki nge fwete sala sambu na kukwenda pene-pene na Nzambi? Beto me mona mambu mingi ya nge lenda sala sambu na kuvanda bangwisana ya ngolo ti yandi.

  1. Kuzaba mpi kusadila zina ya Nzambi, Yehowa.

  2. Kusolula ti yandi mbala na mbala na nzila ya kisambu mpi kulonguka Ndinga na yandi, Biblia.

  3. Kulanda kusala mambu yina ke pesaka Yehowa kiese.

Sambu na kukwenda pene-pene na Nzambi, sadila zina na yandi, samba yandi, longuka Ndinga na yandi, mpi sala mambu yina ke pesaka yandi kiese

Keti nge ke lungisaka mambu yai na zulu sambu na kukwenda pene-pene na Nzambi? Keti kele ti mambu ya nge ke mona nde nge lenda tomisa? Yo ke lomba kusala bikesa sambu na kulungisa mambu yai. Beto tadila mbandu mosi.

Jennifer na États-Unis ke tuba nde: “Bikesa yonso ya muntu ke salaka sambu na kukumisa ngolo bangwisana na yandi ti Nzambi kele mfunu. Bangwisana ya mutindu yai ke nataka balusakumunu mingi, mu mbandu kutudila Nzambi ntima, kuzaba kimuntu na yandi mpi kuzola yandi mingi. Kele ve ti luzingu ya nkaka ya mbote kuluta yai!”

Kana nge ke zola kusala bangwisana ya ngolo ti Nzambi, Bambangi ya Yehowa ta vanda na kiese ya kusadisa nge. Beto ta baka bangidika ya kulonguka Biblia ti nge ya ofele. Beto ke lomba nge na kukwenda na balukutakanu na Nzo ya Kimfumu, kisika ya nge ta vukana ti bantu yina ke bakaka bangwisana na bo ti Nzambi na mbalu. * Kana nge sala mutindu yai, nge ta kudiwa bonso muyimbi-bankunga yina tubaka nde: ‘Kansi sambu na mono, kuvanda penepene na Nzambi kele mbote.’Nkunga 73:28.

^ par. 9 Sambu na kulomba nde muntu mosi kulonguka Biblia ti nge to sambu kuzaba kisika Nzo ya Kimfumu kele, yula muntu yina me natila nge zulunalu yai to kota na site Internet na beto, www.jw.org mpi bweta ntu-diambu SONIKILA BETO na lutiti ya luyantiku.