Kwenda na mambu ke na kati

Kwenda na tansi ya malongi

Milford Sound

 BANSI MPI BANTU

Viziti na Nouvelle-Zélande

Viziti na Nouvelle-Zélande

ZIKU bamvula kiteso ya 800 me luta, bantu ya dikanda ya Maori salaka nzietelo ya bilumbu mingi mpi sabukaka na nzadi-mungwa sambu na kukwenda kuzinga na kisanga ya Nouvelle-Zélande. Kuna, bo monaka kisika yina swaswanaka kibeni ti bisanga ya Polynésie, kisika yina ntangu ke vandaka ngolo yina bo vandaka kuzinga ntete. Insi yai kele ti bangumba mingi, ba glass, bansungi ya ntangu mpi ya madidi. Bantu ya nkaka kwendaka kuzinga kuna na nima ya mvu-nkama ya tanu, bo katukaka na Eropa. Bubu yai, bantu mingi ya Nouvelle-Zélande ke zabaka bansiku ya bantu ya Angleterre mpi ya Polynésie. Bantu mingi (kiteso ya 90%) ke zingaka na bambanza. Mbanza Wellington kele nto-mbanza yina kele kibeni na sudi ya ntoto.

Kiziba ya poto-poto na Nordi ya kisanga

 Ata Nouvelle-Zélande kele na kingenga, yo ke yitukisaka ve na kumona nde konso mvula bantu kiteso ya bamilio tatu ke kwendaka kutala bisika na yo ya kitoko.

Nti ya mukiongi ya arza lenda kuma nda bametre kuluta 10

Tii na mvula 1948, takahé ndeke yina ke pumbukaka ve, vandaka kumonana diaka ve

Nouvelle-Zélande kele ti bambisi mingi ya mfinda, bandeke ya mitindu na mitindu yina ke pumbukaka ve kuluta na bisika ya nkaka ya ntoto. Diaka yo kele ti sphénodon, mbisi yina kele bonso mbala-mbongo yina lenda zinga bamvula 100! Kisanga yai kele mpi ti bambisi ya nkaka, mu mbandu kapakala-ngonzu mpi bambisi ya nkaka ya nene yina ke zingaka na masa, mu mbandu balene mpi dauphin.

Banda bamvula kiteso ya 120, Bambangi ya Yehowa ke longaka ti kikesa yonso na Nouvelle-Zélande. Bo ke longaka Biblia na bandinga kiteso ya 19, mu mbandu ndinga ya Niue, ya Rarotonga, ya Samoan, mpi ndinga ya Tongien.

Bantu ya Maori me lwata bilele ya bwala na bo, bo ke yimba mpi ke kina