Kwenda na mambu ke na kati

Kwenda na tansi ya malongi

Keti Nge Zabaka Yo?

Keti Nge Zabaka Yo?

Sambu na nki Yezu bingaka bantu yina vandaka kuteka bambisi na tempelo ya Yeruzalemi “miyibi”?

MUKANDA ya Matayo ke tuba nde: “Yezu kotaka na tempelo, yandi kulaka bantu yonso yina vandaka kuteka mpi kusumba bima na tempelo, mpi yandi balusaka bamesa ya bantu yina vandaka kushanze mbongo mpi bakiti ya bantu yina vandaka kuteka bapizio. Mpi yandi tubilaka bo nde: ‘Bo me sonikaka nde: “Bo ta binga nzo na mono nzo ya bisambu,” kansi beno ke kumisa yo nzo ya miyibi.’”—Matayo 21:12, 13.

Mikanda ya ntama ke monisa nde bantu yina vandaka kuteka na tempelo vandaka kukusa bantu yina vandaka kusumba, bo vandaka kumatisa ntalu mingi. Mu mbandu, bantu vandaka kuteka bapizio na ntalu fioti sambu bansukami kusumba sambu na kupesa makabu. Kansi mikanda ya ntama ya Bayuda ke tuba nde na mvu-nkama ya ntete, bantu vandaka kusumba bapizio zole na denari mosi. Sambu na kuzwa mbongo yai ya mingi, yo lombaka kusala kisalu bilumbu 25. Na ntangu yina, bapizio kumaka ntalu mpenza mpi bansukami vandaka kukuka diaka ve kusumba yo. (Levi 1:14; 5:7; 12:6-8) Simeon ben Gamaliel, longi mosi ya dibundu ya Bayuda, waka makasi sambu na mambu yina, yo yina yandi kitisaka ntalu ya makabu yina Bayuda fwete pesa. Na mbala mosi, bo yantikaka kuteka bapizio zole na ntalu fioti kibeni.

Ya kieleka, bantu yina vandaka kuteka na tempelo vandaka ti nzala ya mbongo mingi mpi bo vandaka kuyiba bantu yina vandaka kusumba. Yo yina Yezu bingaka bo “miyibi.”