NZOZULU YA NKENGI—NIMERO YA KULONGUKA Februari 2017

Nzozulu ya nkengi yai kele ti masolo ya kulonguka banda na Aprili 3-30, 2017.

Lukanu ya Yehowa Ta Lungana!

Inki vandaka lukanu ya Nzambi sambu na ntoto mpi sambu na bantu? Inki diambu ya mbi salamaka? Sambu na nki kimenga ya Yezu ke sadisaka sambu lukanu ya Nzambi kulungana?

Nkudulu—“Dikabu ya Kukuka” ya Me Katuka na Tata

Dikabu yai ya Nzambi me natilaka bantu mambote mingi, yo me yidikaka mpi mambu ya nkaka ya mfunu ya me tala zulu ti ntoto.

DISOLO YA LUZINGU

Nzambi Me Monisilaka Beto Ntima ya Mbote na Mitindu Mingi

Douglas Guest ti nkento na yandi Mary me monaka mutindu Nzambi monisilaka bo ntima ya mbote ntangu bo vandaka bapasudi-nzila na Canada mpi ntangu bo vandaka bamissionere na Brésil mpi na Portugal.

Yehowa Ke Twadisaka Bantu na Yandi

Na ntangu ya ntama, Yehowa ponaka bantu ya nkaka na kutwadisa bantu na yandi. Inki ke ndimisa nde yandi vandaka mpenza kutwadisa bantu na yandi na nzila ya bantu yina yandi ponaka?

Nani Ke Twadisa Bansadi ya Nzambi Bubu Yai?

Yezu silaka nde yandi ta vanda ti balongoki na yandi tii na nsuka ya ngidika ya bima. Inki mutindu yandi ke twadisa bansadi ya Nzambi na ntoto bubu yai?

Bangiufula ya Batangi

Ntumwa Polo sonikaka nde Yehowa “ta pesa ve nzila nde beno kutana ti mpukumuna kuluta yina beno lenda kangila ntima.” Keti yo ke tendula nde Yehowa ke ponaka ntangu ya mbote yina beto lenda kanga ntima na mpasi mosi mpi ke yidikaka mpasi yina beto ta kutana ti yo na ntangu yango?

YO ME KATUKA NA MIKANDA NA BETO YA NTAMA

“Kele ve ti Nzila Mosi ya Mpasi Mingi to ya Nda Mingi”

Na nsuka ya bamvu 1920 mpi na luyantiku ya bamvu 1930, bapasudi-nzila ya kikesa vandaka ti lukanu ya kulonga nsangu ya mbote ya Kimfumu ya Nzambi na babwala ya Australie.