Kwenda na mambu ke na kati

AUGUSTI 5, 2019
CAMEROUN

Bambangi ya Yehowa Me Basisa Masonuku ya Kigreki ya Bukristu na Ndinga Bassa na Cameroun

Bambangi ya Yehowa Me Basisa Masonuku ya Kigreki ya Bukristu na Ndinga Bassa na Cameroun

Na Augusti 2, 2019, bambangi ya Yehowa basisaka Mbalula ya Nsi-Ntoto ya Mpa ya Masonuku ya Kigreki ya Bukristu na ndinga Bassa na lukutakanu ya distrike yina salamaka na Douala, (Cameroun). Bo salaka bangonda 18 sambu na kubalula yo. Yo kele mbala ya ntete yina Bambangi ya Yehowa me balula Biblia na ndinga ya kisina ya bantu ya Cameroun.

Mpangi Peter Canning yina kele mpangi ya Komite ya filiale ya Cameroun muntu zabisaka kubasika ya Biblia na kilumbu ya ntete na lukutakanu ya distrike yina salamaka na Nzo ya Balukutakanu ya Nene ya Logbessou mpi bantu vandaka 2 015.

Na ntwala nde bo basisa Masonuku ya Kigreki, bampangi na beto yina ke tubaka ndinga Bassa vandaka kusadila Biblia mosi ya ntalu mingi mpi yo vandaka mpasi na kubakisa. Mpangi mosi yina vandaka na kati ya bampangi yina balulaka Biblia yai ke tuba nde: “Mbalula yai ya mpa ta sadisa bansamuni na kubakisa Biblia mbote. Yo ta sadisa bo na kukumisa ngolo zola na bo sambu na Yehowa mpi organizasio na yandi.”

Bantu kiteso ya 300 000 ke tubaka ndinga Bassa na Cameroun. Bansamuni kiteso ya 1 909 ya ke tubaka ndinga Bassa ke salaka na teritware ya Betele ya Cameroun.

Beto ke ndima nde mbalula yai ya me fwana mpi ya kele pete na kubakisa ta sadisa bantu yina ta tanga yo na kuzaba nde “ndinga ya Nzambi kele ya moyo.”—Baebreo 4:12.