Kwenda na mambu ke na kati

Nto-Kimvuka ya Bambangi ya Yehowa Kele Nki?

Nto-Kimvuka ya Bambangi ya Yehowa Kele Nki?

 Nto-Kimvuka kele kimvuka mosi ya fioti ya Bakristu ya kuyela na kimpeve yina ke twadisaka Bambangi ya Yehowa ya ntoto ya mvimba. Bo ke lungisaka mikumba yai zole:

 Nto-Kimvuka ke landaka mbandu ya ‘bantumwa mpi ya bankuluntu yina vandaka na Yeruzalemi’ na mvu-nkama ya ntete, bo vandaka kubaka balukanu ya nene sambu na mabundu yonso. (Bisalu 15:2) Bonso Bakristu yai ya lukwikilu, bampangi ya Nto-Kimvuka kele ve bamfumu ya dibundu ya Yehowa. Bo ke sosaka lutwadisu na Biblia mpi bo ke ndimaka nde Yehowa Nzambi me tulaka Yezu Kristu Mfumu ya dibundu.​—1 Bakorinto 11:3; Baefezo 5:23.

Banani Kele Bampangi ya Nto-Kimvuka?

 Yai kele bazina ya bampangi ya Nto-Kimvuka: Kenneth Cook, Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane mpi Jeffrey Winder. Bo ke sadilaka Yehowa na babiro yina ke twadisaka kisalu na beto na ntoto ya mvimba na Warwick na provense ya New York, na États-Unis.

Nto-Kimvuka Kele ya Kuyidika Inki Mutindu?

 Nto-Kimvuka me tulaka bakomite sambanu sambu na kutwadisa bisalu na beto, mpi konso mpangi ya Nto-Kimvuka ke salaka na Komite mosi to na bakomite mingi.

  •   Komite ya Mitambusi: Komite yai ke talaka mambu ya bansiku ya leta mpi ke sadisaka na mambu ya me tala bisumbula, bambangika yina bampangi ke kutanaka ti yo sambu na lukwikilu na bo mpi bampasi ya nkaka yina ke bwilaka Bambangi ya Yehowa mpi ya ke lombaka kusadisa nswalu.

  •   Komite ya Bantu Yina Ke Salaka Kisalu: Komite yai ke twadisaka mambu ya me tala bampangi ya mabuta ya Betele na nsi-ntoto ya mvimba.

  •   Komite ya Bambasisi: Komite yai ke twadisaka kisalu ya kuniema mikanda ya ke tendulaka Biblia mpi kutinda yo na ntoto ya mvimba. Bo ke tadilaka mpi kisalu ya kutunga bisika ya beto ke salaka balukutakanu na ntoto ya mvimba, babiro ya ke balulaka mikanda ti bavideo mpi Babetele.

  •   Komite ya Kisalu: Komite yai ke talaka mambu yonso ya kisalu na beto ya kulonga ‘nsangu ya mbote ya Kimfumu na ntoto ya mvimba.’​—Matayo 24:14.

  •   Komite Sambu na Kulonga: Komite yai ke yidikaka malongi ya kimpeve ya beto ke bakaka na balukutakanu, na banzo-nkanda, na bavideo mpi na mikanda ya kuwidikila.

  •   Komite Sambu na Kusonika: Komite ya ke twadisaka kisalu ya kulamba madia ya kimpeve ya beto ke bakaka na nzila ya mikanda ya kusonika, malongi ya kele ne site Internet na beto mpi kisalu ya kubalula mikanda ti bavideo.

 Katula bisalu yina Nto-Kimvuka ke salaka na nzila ya bakomite yai, Nto-Kimvuka ke salaka lukutakanu konso mposo sambu na kutadila mambu yina Dibundu ya Yehowa na ntoto ya mvimba kele ti yo mfunu. Na balukutakanu yai, bampangi ya Nto-Kimvuka ke tadilaka mambu yina Biblia ke tuba, mpi bo ke ndimaka nde mpeve santu ya Nzambi kutwadisa bo. Bo ke salaka yonso sambu na kubaka balukanu na bumosi.​—Bisalu 15:25.

Banani ke sadisaka Nto-Kimvuka?

 Bampangi yai ya ke salaka na bakomite ya Nto-Kimvuka kele Bakristu yina bo lenda tudila ntima. (1 Bakorinto 4:2) Bo ke zabaka mbote bisalu yina ke salamaka na komite yina bo ke salaka, mpi bo ke vukanaka konso mposo na balukutakanu yina ke salamaka na bakomite yina bo ke salaka. Ata bo ke bakaka ve balukanu, bansadisi ya Nto-Kimvuka ke pesaka bangindu ya mbote mpi bansangu ya me fwana, bo ke sadilaka balukanu yina komite na bo ke bakaka, mpi bo ke tulaka dikebi mbala na mbala na mambote yina balukanu yina ke nataka. Nto-Kimvuka ke pesaka mpi bampangi yai mukumba ya kukwenda kutala bampangi ya babwala ya nkaka mpi ya kusala badiskure na balukutakanu ya nsuka ya mvula to na balukutakanu yina bo ke pesaka bana ya nzo-nkanda ya Gileadi maplome.

BAZINA YA BANSADISI

Komite

Zina

Komite ya Mitambusi

  • John Ekrann

  • Paul Gillies

  • Troy Snyder

Komite ya Bantu Yina Ke Sala Kisalu

  • Grizzle, Gerald

  • LaFranca, Patrick

  • Molchan, Daniel

  • Scott, Mark

  • Walls, Ralph

Komite ya Bambasisi

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

Komite ya Kisalu

  • Breaux, Gary

  • Dellinger, Joel

  • Georges, Betty

  • Griffin, Anthony

  • Hyatt, Seth

  • Jedele, Jody

  • Mavor, Christopher

  • Perla, Baltasar, Jr.

  • Rumph, Jacob

  • Smith, Jonathan

  • Turner, William, Jr.

  • Weaver, Leon, Jr.

Komite Sambu na Kulonga

  • Banks, Michael

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

Komite Sambu na Kusonika

  • Ahladis, Nicholas

  • Christensen, Per

  • Ciranko, Robert

  • Godburn, Kenneth

  • Mantz, James

  • Marais, Izak

  • Martin, Clive

  • Myers, Leonard

  • Smalley, Gene

  • van Selm, Hermanus