Kwenda na mambu ke na kati

Keti Bambangi ya Yehowa Kele Bakristu?

Keti Bambangi ya Yehowa Kele Bakristu?

Ee. Beto kele Bakristu sambu na bikuma yai:

  • Beto ke salaka bikesa ya kulanda mbote-mbote malongi mpi bikalulu ya Yezu Kristu.​—1 Piere 2:21.

  • Beto ke kwikilaka nde luguluku kele kaka na nzila ya Yezu sambu “kele ve ti zina ya nkaka na nsi ya zulu yina bo me pesaka na kati ya bantu yina beto fwete guluka na nzila na yo.”​—Bisalu 4:12.

  • Ntangu bantu ke kumaka Bambangi ya Yehowa, bo ke bakaka mbotika na zina ya Yezu.​—Matayo 28:18, 19.

  • Beto ke salaka bisambu na zina ya Yezu.​—Yoane 15:16.

  • Beto ke kwikilaka nde Yezu kele Mfumu, to muntu yina bo me pesaka kiyeka na zulu ya konso bakala.​—1 Bakorinto 11:3.

Kansi, beto me swaswana na mambu mingi ti mabundu ya nkaka yina ke kudibingaka Bakristu. Mu mbandu, beto ke kwikilaka nde Yezu kele Mwana ya Nzambi mutindu Biblia ke longaka, kansi ve nzambi mosi na kati ya banzambi tatu. (Marko 12:29) Beto ke kwikilaka nde moyo ke fwaka, mpi ata verse mosi ve ke tubaka nde Nzambi ke niokulaka bantu na bilungi mvula na mvula, to nde bantu yina ke twadisaka mabundu fwete vanda ti batitre yina ke monisa nde bo me luta bantu ya nkaka.​—Longi 9:5; Ezekiele 18:4; Matayo 23:8-10.