Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Li Santil Hu ut li naʼlebʼ li wank chisaʼ

Kʼaʼut Us Xtzʼilbʼal xsaʼ li Santil Hu?

Kʼaʼut Us Xtzʼilbʼal xsaʼ li Santil Hu?

Kaʼajwiʼ li Santil Hu wank saʼ chixjunil li Ruuchichʼochʼ. Ma ak aawilom xsaʼ li Santil Hu? Chiru naabʼal chihabʼ, naabʼal chi poyanam re jalan jalanq chi tenamit keʼxtaw xkʼojobʼankil xchʼool ut keʼxtaw rusilal saʼebʼ li xyuʼam naq keʼxtzol xsaʼ li Santil Hu. Abʼanan, naabʼalebʼ toj maajiʼ nekeʼxyoobʼ rilbʼal li Santil Hu. Ut wankebʼ aj paabʼanel joʼ ajwiʼ li maawaʼebʼ aj paabʼanel nekeʼraj xnawbʼal chi tzʼaqal kʼaru naxye li Santil Hu. Wi laaʼat jun saʼ xyanqebʼ, li tasal hu aʼin naru natenqʼank aawe.

RE XNAWBʼAL kʼaru wank saʼ li Santil Hu, us naq xbʼeenwa taanaw chanru kʼuubʼanbʼil. Li Raatin li Yos nawbʼil ajwiʼ ru joʼ li Santil Hu ut chisaʼ wank 66 chi tasal hu. Rikʼin Genesis natiklaak ut naraqeʼk rikʼin Apocalipsis.

Ani aj kʼaʼuxl wank saʼ li Santil Hu? Chiru 1.600 chihabʼ, 40 tana chi winq keʼtzʼiibʼank re li Santil Hu. Abʼanan maajun rehebʼ li winq aʼin kixye naq xkʼaʼuxl wank chisaʼ. Joʼkan naq jun rehebʼ kixtzʼiibʼa: «Chixjunil li Santil Hu [...] musiqʼanbʼil xbʼaan li Yos» (2 Timoteo 3:16). Ut jun chik, kixye: «Maajun raatin propeet kichalk ta yal saʼ xchʼool junaq winq, kichalk bʼan rikʼin naq keʼwank winq eekʼasinbʼilebʼ xbʼaan li Santil Musiqʼej, keʼaatinak joʼ kiyeheʼk chaq rehebʼ xbʼaan li Yos» (2 Pedro 1:21). Joʼ naqakʼe reetal, ebʼ li keʼtzʼiibʼank re li Raatin li Yos keʼxye naq xkʼaʼuxl li Jehobʼa, li Nimajwal Yos, wank saʼ li Santil Hu. Saʼebʼ li junjunq chi perel naxchʼolobʼ naq Aʼan kikʼehok chaq qe li Santil Hu re naq tqanaw ru.

Joʼkan ajwiʼ, jwal aajel ru xnawbʼal bʼar wank xjolomil li naʼlebʼ li naxkʼut li Santil Hu: li Yos tixkʼojobʼ li Xʼawabʼejilal saʼ choxa re naq t-oxloqʼiiq ut tnawmanq naq kaʼajwiʼ Aʼan wank xkʼulubʼ chi awabʼejink saʼ xbʼeen li ruuchichʼochʼ. Ut saʼ li junjunq chi perel taakʼe reetal naq xchapom ribʼ chixjunil li naʼlebʼ li wank chisaʼ, chalen saʼ xtiklajik li tasal hu Genesis toj saʼ Apocalipsis.

Naqaj naq wanq saʼ laachʼool li naʼlebʼ aʼin naq taayoobʼ xtzʼilbʼal xsaʼ li Santil Hu, li Raatin li Yos.

^ párr. 9 Wank jalan jalanq li naʼlebʼ re xchʼolobʼankil saʼ kʼaru li chihabʼ kikʼulmank junaq li naʼlebʼ. Saʼ li tasal hu aʼin re xyeebʼal: Toj Maajiʼ Natiklaak li Chihabʼ 1, natzʼiibʼamank T.M.N.C. 1, ut re xyeebʼal: ak xnumeʼk li chihabʼ 1, natzʼiibʼamank li aatin chihabʼ ut ebʼ li ajl. Chi joʼkan natawmank saʼ xtaqʼahil li junjunq chi perel.