Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Anihebʼ Yookebʼ Xbʼaanunkil li Rajom li Jehobʼa saʼebʼ li Qakutan?

 TZOLOM 14

Kʼaru li Tzolok Nekeʼxkʼul li Nekeʼkʼamok Bʼe saʼ li Puktesink?

Kʼaru li Tzolok Nekeʼxkʼul li Nekeʼkʼamok Bʼe saʼ li Puktesink?

Estados Unidos

Galaad, Patterson, Nueva York

Panama

Li tzolok li naxkʼe li Yos aʼan jun rehebʼ li xnimal ru naʼlebʼ li nekeʼxbʼeresi ebʼ laj Testiiw re li Jehobʼa. Li tzolok aʼin kʼuubʼanbʼil choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos ut re naq teʼruuq xbʼaanunkil li kʼanjel aʼin «chi tzʼaqal re ru» (2 Timoteo 4:5).

Li tzolok choʼq rehebʼ li nekeʼkʼamok bʼe chi xpuktesinkil li chaabʼil esilal. Naq ak yook chi raqeʼk li xbʼeen chihabʼ xtikibʼankil li kʼanjel aʼin, ebʼ laj puktesinel teʼruuq chik chi xik saʼ li tzolok li kʼuubʼanbʼil choʼq rehebʼ. Li tzolok aʼin nabʼaanumank saʼ jun li Chʼutlebʼaal Kabʼl chiru waqibʼ kutan. Ut nakʼanjelak re naq ebʼ laj puktesinel teʼjiloq chixkʼatq li Jehobʼa, teʼxtzol xbʼaanunkil chiʼus li kʼanjel chiru li Yos ut re naq junelik tiikaqebʼ xchʼool chiru.

Li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos. Li tzolok aʼin nawank chiru wiibʼ po ut kʼuubʼanbʼil choʼq rehebʼ laj puktesinel li ak najter nekeʼok saʼ li kʼanjel aʼin ut nekeʼraj xik saʼ jalan chik naʼaj bʼarwiʼ naʼajmank aj puktesinel. Ut nekeʼxye ajwiʼ chi anchalebʼ xchʼool: «Waayeʼin arin, at Qaawaʼ. Taqlahin laaʼin», ut chi joʼkan nekeʼxkʼam rehebʼ rikʼin li xnimal ru aj puktesinel li kiwank arin saʼ ruuchichʼochʼ, aʼ li Jesukriist (Isaias 6:8; Juan 7:29). Li nekeʼtaqlaak saʼ jalan chik naʼaj chi puktesink nekeʼxtzol chanru xwanjikebʼ li qas qiitzʼin, kʼaru nekeʼxtzaka, nekeʼxtzol wank saʼ kehil malaj saʼ tiqwal chʼochʼ. Wank sut nekeʼxtzol ajwiʼ li aatinobʼaal re li naʼaj bʼarwiʼ taqlanbʼilebʼ. Li tzolok aʼin naxtenqʼahebʼ aj puktesinel winq ut ixq li inkʼaʼ sumsuukebʼ joʼ ajwiʼ li ak sumsuukebʼ li wankebʼ re 23 toj 65 chihabʼ. Ut aran teʼxtzol wank joʼ tzʼaqal aj paabʼanel naq yooqebʼ xbʼaanunkil li xkʼanjel li Yos ut re naq teʼruuq chi kʼanjelak chiru li Jehobʼa ut chiru li xmolam chi tzʼaqal re ru.

Li tzolok li nekeʼxkʼe saʼ Galaad Watchtower. Saʼ Hebreo «Galaad» naraj xyeebʼal: «Li tubʼtuukil pek li naxchʼolobʼ li yaal». Chiru li chihabʼ 1943 kixaqabʼamank li tzolok Galaad ut chalen chaq li chihabʼ aʼin ak xqʼax 8.000 aj paabʼanel li ak taqlanbʼilebʼ chi puktesink saʼ jalan chik tenamit «toj saʼ xmaril li ruuchichʼochʼ» (Hechos 13:47). Naq keʼchalk saʼ li tenamit Peru ebʼ laj paabʼanel aʼin maakʼaʼ chaq junaq chʼuut saʼ li tenamit ut anaqwan naxqʼax chik 1.000. Ut naq keʼwulak saʼ li tenamit Japon lajeebʼ tana ajwiʼ aj testiiw keʼxtaw ut anaqwan naxqʼax chik ru 200.000. Saʼ li tzolok li nekeʼxkʼe saʼ Galaad chiru oobʼ po natzolmank chiʼus li Santil Hu. Bʼoqbʼilebʼ saʼ li tzolok aʼin li nekeʼxpuktesi 130 hoonal malaj li taqlanbʼilebʼ chi puktesink saʼ jalan chik tenamit, ut li wankebʼ saʼ li ochoch Betel malaj li nekeʼulaʼanink chʼuut re naq teʼtenqʼanq chi xbʼeresinkil ut xkawresinkil li xkʼanjel li Yos saʼ chixjunil li ruuchichʼochʼ.

  • Kʼaʼut kixaqabʼaak li tzolok choʼq rehebʼ li nekeʼkʼamok bʼe chi xpuktesinkil li chaabʼil esilal?

  • Anihebʼ teʼruuq chi tzʼaqonk saʼ li tzolok choʼq rehebʼ li nekeʼkʼamok bʼe chi xpuktesinkil li Xʼawabʼejilal li Yos?