Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Anihebʼ Yookebʼ Xbʼaanunkil li Rajom li Jehobʼa saʼebʼ li Qakutan?

 TZOLOM 3

Chanru Kitawmank wiʼ chik li Yaal?

Chanru Kitawmank wiʼ chik li Yaal?

Li Yookebʼ chaq chi Tzolok Chirix li Santil Hu, 1870

Li xbʼeen tasal hu La Atalaya, 1879

La Atalaya, li naqoksi saʼebʼ li qakutan

Li Santil Hu kixye kʼaru tkʼulmanq naq ak xkamk chik li Jesus. Kixye naq saʼ xyanqebʼ li tzʼaqal aj paabʼanel teʼwaklijeʼq aj bʼalaqʼ ut teʼxtzʼajni li yaal li wank saʼ li Santil Hu (Hechos 20:29, 30). Ut naq kinumeʼk li chihabʼ, kikʼulmank tzʼaqal joʼ kixye li Jesus. Keʼok xjunajinkil li xkʼutum li Jesus rikʼin li xkʼutum li bʼalaqʼil paabʼal, ut keʼok xyeebʼal naq yookebʼ xyuʼaminkil li xkʼutum li Jesus, abʼan moko yaal ta (2 Timoteo 4:3, 4). Chanru naqanaw naq yooko xtawbʼal ru kʼaru tzʼaqal naxchʼolobʼ li Santil Hu?

Xwulak xqʼehil naq li Jehobʼa tixkʼut li Yaal. Li Jehobʼa kixye naq chiruhebʼ li «rosoʼjikebʼ li kutan» twanq «xtzʼaqobʼ li xnaʼlebʼebʼ» li qas qiitzʼin chirix li Raatin (Daniel 12:4). Saʼ li chihabʼ 1870 jun chʼuut li poyanam kiʼok xsikʼbʼal li yaal chirix li Yos. Ut naq yookebʼ xbʼaanunkil aʼin xeʼxkʼe reetal naq naabʼal rehebʼ li xkʼutum ebʼ li paabʼal moko isinbʼil ta chaq saʼ li Santil Hu. Li naʼlebʼ aʼin kitaqlank rehebʼ chi xtzʼilbʼal kʼaru tzʼaqal naxkʼut li Raatin li Yos li kitzʼiibʼamank saʼ xtiklajik. Joʼkan naq li Jehobʼa kixtenqʼahebʼ rikʼin xkutanobʼresinkil li yaal chiruhebʼ.

Keʼxtzʼil chiʼus li Santil Hu. Li Yookebʼ chaq chi Tzolok Chirix li Santil Hu xeʼxsikʼ chanru teʼxtaw ru chiʼus li naxkʼut li Santil Hu, ut aʼan ajwiʼ naqabʼaanu laaʼo saʼebʼ li qakutan: naqachap chi tustu ru li junjunq chi naʼlebʼ re naq tqataw ru li naxkʼut li Santil Hu. Ut naq chʼaʼaj jun rehebʼ li raqal li Santil Hu, nekeʼxsikʼ xkomon li raqal re xchʼolobʼankil li naʼlebʼ. Ut nekeʼok xtzʼiibʼankil naq ak xchap ribʼ li naʼlebʼ aʼin rikʼin xkomon li raqal li Santil Hu. Ut chi joʼkan li Santil Hu tixchʼolobʼ ribʼ xjunes. Joʼkan bʼiʼ, ebʼ li winq aʼin keʼxtaw li yaal chirix xkʼabʼaʼ ut Xʼawabʼejilal li Yos, chirix li naraj li Yos choʼq rehebʼ li qas qiitzʼin ut choʼq re li Ruuchichʼochʼ, ut chirix li roybʼeenihom ut xwaklijikebʼ li kamenaq. Xtzʼilbʼal xsaʼ li Santil Hu kitenqʼank rehebʼ re naq maajun chik li bʼaanuhom ut li naʼlebʼ tbʼalaqʼinq rehebʼ (Juan 8:31, 32).

Saʼ li chihabʼ 1879 li Yookebʼ chaq chi Tzolok Chirix li Santil Hu keʼxkʼe reetal naq xwulak xqʼehil naq saʼ chixjunil li Ruuchichʼochʼ tpuktesimanq li yaal chirix li Yos. Ut saʼ li chihabʼ ajwiʼ aʼin keʼok risinkil li tasal hu La Atalaya Anunciando el Reino de Jehová, li naʼoksimank saʼebʼ li qakutan. Saʼ 240 chi tenamit ut naxqʼax ru 750 chi aatinobʼaal bʼarwiʼ ebʼ laj Testiiw re li Jehobʼa yookebʼ xkʼeebʼal chi naweʼk li yaal chirix li Yos. Maajunwa ilbʼil chaq naq saʼ chixjunil li Ruuchichʼochʼ tpuktesimanq li yaal!

  • Kʼaru kikʼulmank rikʼin li yaal chirix li Yos naq kikamk li Jesus?

  • Chanru kitawmank wiʼ chik li yaal?