Rilb'al li na'leb'

Rilb'al li xtusulal naʼlebʼ

 TASAL 9

Joqʼe tchʼinaʼusoʼq li Ruuchichʼochʼ?

Joqʼe tchʼinaʼusoʼq li Ruuchichʼochʼ?

Chixjunil aʼin naxkʼutbʼesi naq chi seebʼ tchalq li Xʼawabʼejilal li Yos (Lucas 21:10, 11; 2 Timoteo 3:1-5)

Li Santil Hu kixye li tkʼulmanq saʼebʼ li qakutan. Kixye naq ebʼ li poyanam teʼrataw xsahilal li ruuchichʼochʼ, teʼxrahi ru li tumin, aj qʼetolaqebʼ raatin xnaʼ xyuwaʼ ut maaʼusaqebʼ xnaʼlebʼ.

Li Santil Hu kixye naq twanq ninqi hiik, yalok u, weʼej ut yajel. Ak yooko rilbʼal chixjunil aʼin.

Li Jesus kixye ajwiʼ naq tpuktesimanq li chaabʼil esilal chirix li Xʼawabʼejilal li Yos saʼ chixjunil li ruuchichʼochʼ (Mateo 24:14).

 Li Xnimajwal Awabʼejilal li Yos trisi chixjunil li maaʼusilal (2 Pedro 3:13)

Li Jehobʼa chi seebʼ tixsach li maaʼusebʼ xnaʼlebʼ.

Laj Tza ut ebʼ li maaʼus aj musiqʼej teʼkʼeheʼq chi xtojbʼal xmaak.

Li teʼpaabʼanq re li Yos teʼwanq saʼ li akʼ ruuchichʼochʼ. Maaʼani chik txuwaq ut maaʼani chik tixbʼaanu li maaʼusilal. Chixjunilebʼ teʼxra ribʼ.