Rilb'al li na'leb'

Rilb'al li xtusulal naʼlebʼ

 TASAL 1

Chanru tqakʼutbʼesi naq naqapaabʼ li Yos?

Chanru tqakʼutbʼesi naq naqapaabʼ li Yos?

Li Yos nokooraatina rikʼin li Santil Hu (2 Timoteo 3:16)

Li Yos kimusiqʼank re jalan jalanq chi winq re naq teʼxtzʼiibʼa li xkʼaʼuxl saʼ jun li tasal hu. Li tasal hu aʼin, aʼan li Santil Hu. Li Yos naraj naq tqatzol chixjunil li chaabʼil naʼlebʼ li wank chisaʼ.

Li Yos naxnaw kʼaru jwal us choʼq qe xbʼaan naq rikʼin nachalk li chaabʼil naʼlebʼ. Wi naqapaabʼ, tqataw tzʼaqal qanaʼlebʼ ut qakʼaʼuxl (Proverbios 1:5).

Li Yos naraj naq chixjunil li tenamit teʼril xsaʼ li Santil Hu. Saʼebʼ li qakutan li Raatin li Yos wank saʼ naabʼal chi aatinobʼaal.

Re naq tatruuq xpaabʼankil li Yos, aajel ru naq taatzol xsaʼ li Santil Hu ut taakʼe aachʼool chi xtawbʼal ru.

 Yalaq bʼar yookebʼ xtzolbʼal li Santil Hu (Mateo 28:19)

Ebʼ laj Testiiw re li Jehobʼa naru tateʼxtenqʼa chi xtawbʼal ru li Santil Hu.

Nekeʼxkʼut li yaal chirix li Yos saʼ chixjunil li Ruuchichʼochʼ.

Moko tojbʼil ta li tzolok chirix li Yos. Saʼebʼ li Xchʼutlebʼaal Kabʼl laj Testiiw re li Jehobʼa natzolmank ajwiʼ chirix li Yos.