Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Chaapaabʼ li Yos re naq twanq aayuʼam chi junelik

 TASAL 4

Kʼaru kikʼulmank naq keʼxpaabʼ re laj Tza?

Kʼaru kikʼulmank naq keʼxpaabʼ re laj Tza?

Laj Adan ut xʼEva inkʼaʼ keʼabʼink chiru li Yos ut keʼkamk (Génesis 3:6, 23)

Li xʼEva kixpaabʼ re li kʼantiʼ ut kixlow ru li cheʼ. Kixkʼe re li xbʼeelom ut chi joʼkan laj Adan kixlow ajwiʼ.

Naq keʼxlow ru li cheʼ, keʼmaakobʼk ut keʼisiik saʼ li chʼinaʼusil naʼajej Eden.

Naabʼal li chʼaʼajkilal kichalk saʼ xbʼeen li xjunkabʼal laj Adan. Chirix chik aʼan keʼcheekobʼk ut keʼkamk. Naq keʼkamk keʼosoʼk chi junajwa, moko keʼsutqʼiik ta choʼq musiqʼej.

 Ebʼ li kamenaq maakʼaʼebʼ chik xyuʼam joʼ li poqs maakʼaʼ xyuʼam (Génesis 3:19)

Chiqajunilo nokookamk xbʼaan naq laaʼo ralal xkʼajol laj Adan ut xʼEva. Ebʼ li kamenaq maakʼaʼ chik nekeʼril ut maakʼaʼ chik nekeʼrabʼi (Eclesiastés 9:5, 6, 10).

Chalen chaq naq li Jehobʼa kixyiibʼ li winq moko kixyoobʼtesihebʼ ta re naq teʼkamq. Ut chi seebʼ tixwaklesi wiʼ chik chi yoʼyo ebʼ li kamenaq. Wi ebʼ li poyanam aʼin teʼxpaabʼ li xchaqʼrabʼ li Yos, teʼwanq xyuʼam chi junelik.