Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Resil Xyuʼamebʼ li Winq ut Ixq saʼ li Santil Hu

Tzolom 115: Li Ak' Ruuchich'och'

Tzolom 115: Li Ak' Ruuchich'och'

SA' LI na'aj a'in wank ninqi che', uutz'u'uj ut ninqi tzuul. K'ajo' xch'ina'usal li na'aj! K'e reetal li ch'ina kej yook chi wa'ak sa' ruq' li ch'ina'al. Eb' li kaqkoj ut li kawaay xaqxookeb' sa' li pach'aya'. Ma taawulaq raj chaawu wank sa' li na'ajej a'in?

Li Yos naraj naq twanq aayu'am chi junelik sa' li Ruuchich'och', b'arwi' maak'a'aq chik li rahilal. Li Santil Hu naxyeechi'i a'in reheb' li te'wanq sa' li Sahilal Na'ajej: ‹Li Yos twanq rik'ineb'. Maak'a'aq chik li kamk, li yaab'ak chi moko li rahilal›.

Li Jesus t-isinq re chixjunil a'in. Ab'an, ma nakaanaw joq'e tk'ulmanq a'in? Naq ak risi chik chixjunil li maa'usilal ut eb' li maa'useb' xna'leb' sa' li Ruuchich'och'. Maare jultik aawe naq li Jesus kiwank sa' li Ruuchich'och' kixk'irtasi chixjunileb' li yaj ut kiwaklesink kamenaq. Chi jo'kan kixk'utb'esi k'aru tixb'aanu sa' xb'een li Ruuchich'och' naq t-awab'ejinq sa' li X'awab'ejilal li Yos.

K'ajo'aq xch'ina'usal wank sa' li ak' Ruuchich'och'! Li Jesus kixsik' jun ch'uut chi poyanam re naq te'awab'ejinq rochb'een sa' choxa. Te'xtenq'a ut te'ril chixjunil li wank xyu'am sa' xb'een li Ruuchich'och'. Ut te'xb'aanu naq chixjunileb' sahaqeb' sa' xch'ool. Anaqwan qatzolaq k'aru tento tqab'aanu re naq li Yos tixk'e qayu'am chi junelik sa' li ak' Ruuchich'och'.

Apocalipsis 21:3, 4; 5:9, 10; 14:1-3.

Li Sahilal Naʼajej arin saʼ ruuchichʼochʼ


Ebʼ li patzʼom

  • Chanruhaq li ak’ Ruuchich’och’?
  • K’aru naxyeechi’i li Santil Hu cho’q reheb’ li te’wanq sa’ li ak’ Ruuchich’och’?
  • Joq’e tchalq li ak’ Ruuchich’och’?
  • K’aru kixb’aanu li Jesus re xk’utb’esinkil li tixb’aanu naq t-awab’ejinq sa’ li X’awab’ejilal li Yos?
  • K’aru tixb’aanu li Jesus ut li te’awab’ejinq rochb’een sa’ li choxa?

Chaasume ajwiʼ ebʼ li patzʼom aʼin

  • Chaawil li naxye Apocalipsis 5:9, 10.

    Chanru naqanaw naq chaab’ileb’ ut eb’ aj uxtanaan li te’awab’ejinq rik’in li Jesus chiru li jun mil chihab’? (Efe. 4:20-24; 1 Ped. 1:7; 3:8; 5:6-10.)

  • Chaawil li naxye Apocalipsis 14:1-3.

    K’aru naraj xyeeb’al naq eb’ li 144.000 tz’iib’anb’il chiru xpekemeb’ li xk’ab’a’ li yuwa’b’ej ut xk’ab’a’ li karneer? (1 Cor. 3:23; 2 Tim. 2:19; Apoc. 3:12.)