Li Santil Hu na'aatinak chirix li kik'ulmank chaq ut chirix li tk'ulmanq sa' li kutan chaalel. Xb'aan naq li Santil Hu musiq'anb'il xb'aan li Yos. Laa'o ink'a' naqanaw li tk'ulmanq sa' li kutan chaalel. K'aru naxye li Santil Hu chirix li kutan chaalel?

Li Santil Hu na'aatinak chirix li nimla yalok, li tixk'am chaq li Yos. Sa' li yalok a'in li Yos tixmes li Ruuchich'och'. Trisi chixjunil li maa'usilal ut li maa'useb' xna'leb', ab'an tixkoleb' li neke'loq'onink re. Li Jesus kixaqab'aak xb'aan li Yos re naq tixk'am chaq li tuqtuukilal ut li sahil ch'oolejil sa' xyanqeb' li neke'paab'ank re li Yos. Jo'kan ajwi' tixb'aanu naq maa'ani chik tyajerq ut tkamq.

Li Yos tixk'am chaq wi' chik li Sahilal Na'ajej arin sa' Ruuchich'och'. Ab'an, k'aru tento tqab'aanu wi naqaj wank sa' li Sahilal Na'ajej? Sa' li xraqik li tasal hu a'in, naxye k'aru tento tqab'aanu re naq li Yos toorosob'tesi. Jo'kan naq chaawil li naxye li XWAQXAQ Tasal ut tzol li naxye li Santil Hu chirix li tk'ulmanq sa' li kutan chaalel.

Li akʼ ruuchichʼochʼ