Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Resil Xyuʼamebʼ li Winq ut Ixq saʼ li Santil Hu

Tasal 7: Chalen Kiwakliik Wi’ Chik chi Yo’yo li Jesus Toj Naq Ke’xk’e sa’ Tz’alam laj Pablo

Tasal 7: Chalen Kiwakliik Wi’ Chik chi Yo’yo li Jesus Toj Naq Ke’xk’e sa’ Tz’alam laj Pablo

Li Jesus kiwakliik wi' chik chi yo'yo naq oxib' kutan xkamik. Sa' li kutan a'an, oob' sut kixk'ut rib' chiruheb' li xtzolom. Ut chiru 40 kutan ink'a' kixkanab' xk'utb'al rib' chiruheb'. Wiib' oxib' reheb' li xtzolom ke'ril naq xko sa' choxa. Lajeeb' kutan xikik li Jesus sa' choxa, naq li Yos kixk'e li santil musiq'ej sa' xb'eeneb' li ke'kanaak chi oyb'eenink aran Jerusalen.

Chirix chik a'an, eb' li xik' ke'ilok re li Yos ke'xk'e sa' tz'alam eb' li xtzolom li Jesus, ab'an jun li anjel kikolok reheb'. Eb' li xik' ke'ilok ke'xk'e chi pek laj Esteban toj reetal ke'xkamsi. Tqatzol ajwi' naq li Jesus kixsik' jun reheb' li xtzolom re naq tk'anjelaq chiru ut a'an li apostol Pablo. Ak oxib' chihab' rik'in waqib' po xkamik li Jesus, naq li Yos kixtaqla li apostol Pedro sa' rochoch laj Cornelio re naq tixye re li chaab'il esilal. Li winq a'in, moko aj Judio ta.

Naq kinume'k 13 chihab' laj Pablo xko sa' jalan chik tenamit chi xpuktesinkil li chaab'il esilal. Sa' li xkab' sut laj Timoteo xko chirix laj Pablo. Naq laj Pablo ut eb' li rochb'een ke'k'anjelak chiru li Yos wank sut ke'xtaw xsahilal xch'ool ut wank sut ke'xk'ul li rahilal. Chirix chik a'an, laj Pablo kiwank sa' tz'alam sa' li tenamit Roma. Naq kinume'k wiib' chihab', ki'elk sa' tz'alam. Ut naq ki'ok wi' chik sa' tz'alam, ke'xkamsi. Chiru 32 chihab' tana kik'ulmank li XWUQ Tasal a'in.

Laj Saulo kimutzʼoʼk