Li Yos kixtaqla li anjel Gabriel re xyeeb'al re xMaria naq twanq jun li xk'uula'al, li t-awab'ejinq chi junelik. Li k'uula'al a'an li Jesus. Li Jesus kiyo'laak sa' xna'ajeb' li xul ut eb' laj k'aak'alenel karneer ke'wulak chi rilb'al. Chirix chik a'an, jun li chahim kixk'am wiib' oxib' chi winq li neke'chalk sa' releb'l Saq'e re naq te'xtaw li Jesus. Jo'kan ajwi' tqatzol ani kixb'aanu naq te'ril li chahim a'in ut chanru kikole'k li Jesus re naq ink'a' te'xkamsi.

Li Jesus wank 12 chihab' re naq ki'aatinak rik'ineb' li neke'k'utuk sa' li Rochoch li Yos. Naq kinume'k 18 chihab', li Jesus kisub'e'k sa' ha'. Chirix chik a'an, ki'ok xpuktesinkil li chaab'il esilal ut ki'ok chi k'utuk chirix li Xnimajwal Awab'ejilal li Yos, xb'aan a'an aj e naq kitaqlaak chaq sa' Ruuchich'och'. Li Jesus kixsik' 12 chi winq cho'q xtzolom, re naq ttenq'aaq sa' li k'anjel a'in.

Li Jesus kixb'aanu ajwi' li sachb'ach'oolej. Kixk'eheb' chi wa'ak eb' li tenamit rik'in wiib' oxib' chi kar ut kaxlan wa. Kixk'irtasiheb' li yaj ut kixwaklesi chi yo'yo eb' li kamenaq. Toj tqatzol k'aru kixk'ul li Jesus ut chanru ke'xkamsi. Li Jesus kixpuktesi li chaab'il esilal chiru oxib' chihab' rik'in waqib' po tana. Chixjunil li XWAQ Tasal a'in, kik'ulmank tana chiru 34 chihab'.

Li Jesus yook chi kʼutuk