Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Resil Xyuʼamebʼ li Winq ut Ixq saʼ li Santil Hu

Tzolom 31: Laj Moises Kisutq'iik Egipto

Tzolom 31: Laj Moises Kisutq'iik Egipto

NAQ laj Moises kiwulak Egipto, ki'aatinak rik'in laj Aaron, li ras, chirixeb' li eetalil. Ut naq laj Moises ut laj Aaron ke'xk'ut eb' li eetalil a'in chiruheb' laj Israel, chixjunileb' ke'xpaab' naq li Jehob'a kitaqlank chaq reheb'.

Chirix chik a'an, laj Moises ut laj Aaron ke'wulak rik'in laj Faraon ut ke'xye re: ‹Li Jehob'a, li xYos laj Israel kixye: Kanab'eb' chi xik lintenamit sa' li chaqich'och' chiru oxib' kutan, re naq te'xloq'oni wu›. Laj Faraon kichaq'ok: ‹Ink'a' ninpaab' li Jehob'a ut ink'a' tinkanab'eb' chi xik laj Israel!›

Laj Faraon yook xjosq'il xb'aan naq eb' laj Israel ke'raj oxib' kutan re xloq'oninkil li Jehob'a. Jo'kan naq, kixmimeb' ru chi k'anjelak. Eb' laj Israel ke'xye naq laj Moises wank re, naq laj Faraon ki'ok xrahob'tesinkileb'. Jo'kan naq laj Moises kiraho'k sa' xch'ool. Li Jehob'a kixye re laj Moises: ‹Tinb'aanu naq laj Faraon tixkanab' chi xik lintenamit›.

Laj Moises ut laj Aaron wankebʼ chiru laj Faraon

Naq laj Moises ut laj Aaron, koheb' wi' chik rik'in laj Faraon ke'xb'aanu jun li eetalil. Laj Aaron kixkut li xche' chiru laj Faraon ut li che' kisutq'iik cho'q k'anti'. Chirix chik a'an eb' laj q'e li neke'k'anjelak chiru laj Faraon, ke'xkut ajwi' eb' li xche' ut ke'sutq'iik ajwi' cho'q k'anti'. Ab'an, li xk'anti' laj Aaron ki'ok xnuq'b'aleb' li xk'anti' eb' laj q'e. Usta laj Faraon kiril li eetalil a'in ink'a' kixkanab'eb' chi xik laj Israel.

Jo'kan naq kiwulak xkutankil naq li Jehob'a kixk'ut xjosq'il chiru laj Faraon. Ma nakaanaw k'aru kixb'aanu? Kixk'am chaq 10 li rahilal sa' xb'eeneb' laj Egipto.

Naq yookeb' xk'ulb'al eb' li rahilal, laj Faraon kixb'oq laj Moises ut kixye re: ‹Xaaqab' li rahilal ut tinkanab'eb' chi xik laj Israel›. Naq kixaqli li rahilal, ink'a' kixkanab'eb' chi xik. Toj sa' xlaje li rahilal, laj Faraon kixkanab' chi xik li xtenamit li Jehob'a.

Qilaq sa' li jun chik tzolom li 10 chi rahilal li kixtaqla li Yos sa' xb'eeneb' laj Egipto.

Éxodo 4:27-31; 5:1-23; 6:1-13, 26-30; 7:1-13.



Ebʼ li patzʼom

  • K’aru ke’xye laj Israel naq ke’ril eb’ li sachb’ach’oolej li ke’xb’aanu laj Moises ut laj Aaron?
  • K’aru kixye laj Aaron ut laj Moises re laj Faraon? K’aru kixye laj Faraon naq kirab’i a’in?
  • K’aru kik’ulmank naq laj Aaron kixkut li xxuq’ sa’ ch’och’? (Chaawil li eetalil.)
  • Chanru kixk’ut xjosq’il li Jehob’a chiru laj Faraon? K’aru kixb’aanu laj Faraon naq kiril a’in?
  • K’aru kik’ulmank naq ke’nume’k li lajeeb’ chi rahilal?

Chaasume ajwiʼ ebʼ li patzʼom aʼin

  • Chaawil li naxye Éxodo 4:27-31 ut 5:1-23.

    K’aru naraj xyeeb’al naq laj Faraon kixye: ‹Ink’a’ ninnaw ru li Jehob’a?› (Éxo. 5:2; 1 Sam. 2:12; Rom. 1:21.)

  • Chaawil li naxye Éxodo 6:1-13, 26-30.

    K’aru naraj xyeeb’al naq li Jehob’a ink’a’ kixk’e rib’ chi nawe’k chiru laj Abrahan, laj Isaac ut laj Jacob? (Éxo. 3:13, 14; 6:3; Gén. 12:8.)

    K’aru naqak’oxla naq li Jehob’a kixtaqla laj Moises chi xb’aanunkil jun li k’anjel usta ink’a’ naxnaw chanru tixb’aanu? (Éxo. 6:12, 30; Luc. 21:13-15.)

  • Chaawil li naxye Éxodo 7:1-13.

    Chanru ke’xkanab’ jun li eetalil cho’q qe laj Moises ut laj Aaron, naq ke’xye re laj Faraon naq li Jehob’a traqoq aatin sa’ xb’eeneb’? (Éxo. 7:2, 3, 6; Hech. 4:29-31.)

    Chanru kixk’utb’esi li Jehob’a naq nim xwankil chiruheb’ li xyoseb’ laj Egipto? (Éxo. 7:12; 1 Cró. 29:12.)