Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Resil Xyuʼamebʼ li Winq ut Ixq saʼ li Santil Hu

Tzolom 30: Li Che' Yook Xxamlel

Tzolom 30: Li Che' Yook Xxamlel

LAJ Moises kiwulak sa' li tzuul Horeb, xb'aan naq yook xsik'b'al richajeb' li xkarneer. Aran kiril jun li che' yook xxamlel ut ink'a' nak'atk!

Laj Moises wank chiru li cheʼ li yook xxamlel

Laj Moises kixye: ‹Xik we chi rilb'al k'aru a'an›. Naq kijilok, kiyehe'k re: ‹Matjilok chaq, isi laaxaab', xb'aan naq sant li na'aj li xaqxookat wi'›. Li Yos ki'aatinank re laj Moises, ab'an kiroksi jun li anjel re xb'aanunkil a'in. Naq laj Moises kirab'i xyaab' xkux li Jehob'a kixtz'ap xnaq' ru.

Toja' naq li Yos kixye re laj Moises: ‹Yookin chi rilb'al naq ra wank lintenamit. Jo'kan naq nawaj xkolb'aleb' ut tattintaqla Egipto chi risinkileb'›. Li Jehob'a naraj naq eb' laj Israel te'xik sa' li ch'ina'usil na'ajej Canaan.

Laj Moises kixye re li Yos: ‹Anihin laa'in? Chanru twisiheb' chaq laatenamit? Wi te'xpatz' we: Ani kitaqlank chaq aawe? K'aru tinye reheb'?›

Li Yos kixye re laj Moises: ‹A'in taaye: Li JEHOB'A li xYos laj Abrahan, li xYos laj Isaac ut li xYos laj Jacob kitaqlank chaq we eerik'in›. Li Jehob'a kixye ajwi' re laj Moises: ‹A'inaq link'ab'a' chi junelik!›

Kichaq'ok laj Moises: ‹Ut wi ink'a' te'xpaab' we naq tinye reheb' naq laa'at xattaqlank chaq we?›

Jo'kan naq li Yos kixye re: ‹K'aru wank sa' laawuq'?›

Laj Moises kixye: ‹Jun li che'›.

Li Yos kixye re laj Moises: ‹Kut li che' sa' ch'och'›. Naq kixkut sa' ch'och', li che' kisutq'iik cho'q k'anti'. Li Jehob'a kixk'ut jun chik li eetalil chiru laj Moises. Ut kixye re: ‹Ch'ik laawuq' sa' laawaq'›. Naq laj Moises kirisi li ruq', kiril naq wank saqlep chiru li ruq'! Li Jehob'a toj kixk'ut chiru laj Moises jun chik li eetalil. Chirix chik a'an li Yos kixye: ‹Rik'in eb' li eetalil a'in, eb' laj Israel te'xpaab' naq laa'in xintaqlank aawe rik'ineb'›.

Naq laj Moises kiwulak sa' rochoch kixye re laj Jetro: ‹B'aanu usilal, kanab'in chi xik Egipto, re naq tinnaw chanru wankeb' linkomon›. Jo'kan naq laj Moises kisutq'iik Egipto.

Éxodo 3:1-22; 4:1-20.



Ebʼ li patzʼom

  • Chanru xk’ab’a’ li tzuul li wank sa’ li eetalil?
  • K’aru kiril laj Moises naq kiwulak sa’ li tzuul?
  • Ani ki’aatinak chaq sa’ li che’ li yook xxamlel? K’aru kiyehe’k re laj Moises?
  • K’aru kixye laj Moises naq kitaqlaak xb’aan li Yos chi risinkileb’ laj Israel sa’ li tenamit Egipto?
  • Naq tpatz’e’q re laj Moises ani kitaqlank chaq re, chanru kixye li Yos naq tixsumeheb’ laj Israel?
  • K’aru kixb’aanu laj Moises re xk’utb’esinkil naq li Yos kitaqlank re Egipto?

Chaasume ajwiʼ ebʼ li patzʼom aʼin

  • Chaawil li naxye Éxodo 3:1-22.

    Maare tqak’oxla naq ink’a’ tooruuq xb’aanunkil junaq li k’anjel sa’ li ch’uut, ab’an chanru naxkawresi qach’ool xnawb’al naq li Jehob’a kixtenq’a laj Moises? (Éxo. 3:11, 13; 2 Cor. 3:5, 6.)

  • Chaawil li naxye Éxodo 4:1-20.

    Chanru kijalaak xna’leb’ laj Moises chiru li ka’k’aal chihab’ naq kiwank chaq Madian? Ut k’aru tento te’xtzol li neke’raj k’anjelak sa’ li ch’uut? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

    Naq too’e’xq’us sa’ li ch’uut, chanru naxkawresi qach’ool li kixb’aanu li Jehob’a rik’in laj Moises? (Éxo. 4:12-14; Sal. 103:14; Heb. 12:4-11.)