Rilb'al li na'leb'

Rilb'al li xtusulal naʼlebʼ

Tzolom 8: Eb' li Ralal Xk'ajol Eb' li Musiq'ej

Tzolom 8: Eb' li Ralal Xk'ajol Eb' li Musiq'ej

WI TAAWIL raj junaq winq jwal nim roq, chanchan xteram jun li ochoch. K'aru raj taak'oxla? Tatxuwaq, pe'yaal? Najter ke'wank winq jwal nimeb' roq sa' Ruuchich'och'. Li Santil Hu naxye naq musiq'ej li xyuwa'eb' li winq a'in. Chanru kik'ulmank a'in?

Maaʼusebʼ naʼlebʼli winq li jwal nimebʼ roq

Chaajultika naq laj Tza yook chaq chi k'ehok ch'a'ajkilal. Laj Tza kixb'aanu naq eb' li anjel te'maa'uso'q. Wankeb' li anjel ke'xpaab' re laj Tza. Ke'xkanab' chaq xk'anjel sa' choxa. Naq ke'k'ulunk eb' li anjel a'in sa' Ruuchich'och' ke'tib'elo'k. Ma nakaanaw k'a'ut?

Li Santil Hu naxye naq eb' li anjel a'in, ke'ril naq eb' li ixq ch'ina'us neke'ilok ut ke'raj wank rik'ineb'. Jo'kan naq, ke'chalk sa' Ruuchich'och' ut ke'sumlaak rik'ineb'. Moko us ta li ke'xb'aanu eb' li anjel a'in, xb'aan naq li Yos kixyoob'tesiheb' re naq te'wanq sa' choxa.

Naq ke'yo'laak eb' li ralal xk'ajol eb' li anjel a'in, moko ke'k'utunk ta naq jalaneb' chiqu. Ab'an, ke'ok chi k'iik ut ke'ok chi numtaak xmetz'ew toj reetal naq ke'nimank roq.

Eb' li winq a'in, jwal nimeb' roq ut maa'useb' xna'leb'. K'ajo' ke'xrahob'tesi eb' li poyanam xb'aan naq jwal nimeb' ut kaweb' rib'. Ke'xyal xminb'al ruheb' li poyanam re naq te'maa'uso'q xna'leb' ajwi'.

Naq ak kikamk chik laj Enoc, kiwank jun chik winq chaab'il xch'ool, aj Noe xk'ab'a'. Li winq a'in junelik kixb'aanu li us.

Sa' jun kutan li Yos kixye re laj Noe naq xwulak xq'ehil naq tixsacheb' li maa'useb' xna'leb'. Ab'an tixkol laj Noe ut li xjunkab'al. Jo'kan ajwi' tixkol naab'al li xul. Qilaq chanru kixb'aanu a'in.

Génesis 6:1-8; Judas 6.



Ebʼ li patzʼom

  • K’aru kik’ulmank naq eb’ li anjel a’in ke’xpaab’ re laj Tza?
  • K’a’ut naq eb’ li anjel a’in, ke’xkanab’ chaq li xk’anjel sa’ choxa ut ke’chalk sa’ Ruuchich’och’?
  • K’a’ut ink’a’ us naq eb’ li anjel ke’chalk sa’ Ruuchich’och’ ut ke’tib’elo’k?
  • K’a’ut naq jalaneb’ chiqu eb’ li ralal xk’ajol eb’ li anjel a’in?
  • K’aru yookeb’ xb’aanunkil eb’ li ralal xk’ajol eb’ li anjel a’in sa’ li eetalil?
  • Naq kikamk laj Enoc, ani xk’ab’a’ li chaab’il winq kikanaak sa’ Ruuchich’och’? K’a’ut naq raaro chaq xb’aan li Yos?

Chaasume ajwiʼ ebʼ li patzʼom aʼin

  • Chaawil li naxye Génesis 6:1-8.

    Chanru naxk’ut Génesis 6:6 naq li qana’leb’ naru tixsahob’resi malaj tixrahob’tesi xch’ool li Jehob’a? (Sal. 78:40, 41; Pro. 27:11.)

  • Chaawil li naxye Judas 6.

    K’a’ut us xjultikankil naq eb’ li anjel ‹ke’xkanab’ chaq xna’aj sa’ choxa?› (Sal. 37:9, 10; 2 Ped. 2:9.)