Rilb'al li na'leb'

Rilb'al li xtusulal naʼlebʼ

 QAYUʼAM JOʼ AJ PAABʼANEL

Kʼut chiruhebʼ naq junelik teʼkʼanjelaq chiru li Jehobʼa

Kʼut chiruhebʼ naq junelik teʼkʼanjelaq chiru li Jehobʼa

Joʼ ilbʼil, wi chalen saʼ xtiklajik natzolmank junaq li akʼ re naq tpuktesinq chi rajlal ut chi sa saʼ xchʼool, laj puktesinel aʼin tixnaw chanru tpuktesinq chiʼus (Pr 22:6; Flp 3:16). Qilaq wiibʼ oxibʼ li naʼlebʼ chirix chanru tatruuq xtenqʼankil laatzolom chi xtikibʼankil chiʼus li kʼanjel aʼin:

  • Tat-oq xtzolbʼal laatzolom chalen naq txaqabʼaaq choʼq aj puktesinel (km 8/15 perel 1). Taachʼolobʼ chiru naq aajel ru naq inkʼaʼ tixkol jun xamaan naq inkʼaʼ tpuktesinq (Flp 1:10). Sahaq saʼ laachʼool naq tat-aatinaq chirix ebʼ li qateep re puktesink (Flp 4:8). Taawaklesi xchʼool re naq tpuktesinq rikʼin li naʼisink chʼuut ut rikʼinebʼ li junchʼol re naq tixtzol re rikʼinebʼ (Pr 1:5; km-S 10/12 perel 6 raqal 3).

  • Naq laatzolom ak xsubʼeʼk saʼ haʼ, inkʼaʼ taakanabʼ xwaklesinkil xchʼool ut xkʼutbʼal chiru chanru tpuktesinq, chi moko taakanabʼ xjunes wi toj yook xtzolbʼal li tasal hu «Xrahom li Yos» (km 12/13 perel 7).

  • Moko chʼaʼaj ta li kʼutbʼesink taawoksi wi tatpuktesinq rikʼin junaq laj puktesinel li toj akʼ. Naq traqeʼq chi aatinak rikʼin li poyanam, taawaklesi xchʼool. Kʼe re wiibʼ oxibʼ li naʼlebʼ li ttenqʼanq re chi xbʼaanunkil chiʼus li kʼanjel aʼin (km-S 5/10 perel 7).