Rilb'al li na'leb'

Rilb'al li xtusulal naʼlebʼ

 QAYUʼAM JOʼ AJ PAABʼANEL

Tzol chiʼus li puktesink: taabʼoqebʼ saʼ li chʼutam li nekeʼwulak chiru resil li Santil Hu

Tzol chiʼus li puktesink: taabʼoqebʼ saʼ li chʼutam li nekeʼwulak chiru resil li Santil Hu

KʼAʼUT US XBʼAANUNKIL: Ebʼ li chʼutam nekeʼxkʼe qahoonal re bʼichank ut xloqʼoninkil li Jehobʼa rajlal xamaan (Sl 149:1). Ut naqatzol ajwiʼ xbʼaanunkil li rajom (Sl 143:10). Li nekeʼwulak chiru resil li Santil Hu ut ebʼ li nekeʼtzolok qikʼin nekeʼkʼiik saʼ junpaat saʼebʼ li xpaabʼal naq nekeʼok chi wulak saʼebʼ li chʼutam.

CHANRU XBʼAANUNKIL:

  • Matbʼayk chi xyeebʼal re junaq li qas qiitzʼin naq twulaq saʼ li chʼutam. Moko aajel ta ru naq yooq xtzolbʼal li Santil Hu aawikʼin (Ap 22:17).

  • Taachʼolobʼ chiru li qas qiitzʼin kʼaru nabʼaanumank saʼebʼ li qachʼutam ut taaye re chirix kʼaru teʼaatinaq saʼ li jun chik. Ut re xtenqʼankil aawibʼ, wank li hu chirix li qachʼutam, li bʼideo Kʼaru nabʼaanumank saʼebʼ li Chʼutlebʼaal Kabʼl rehebʼ laj Testiiw? ut ebʼ li tzolom 5 ut 7 re li folleto Li Rajom li Jehobʼa.

  • Taayeechiʼi aawibʼ chi xtenqʼankil. Maare re xkʼambʼal saʼ li chʼutam malaj re xyeebʼal re chanru tixtiqibʼ ribʼ. Naq wanqex saʼ li chʼutam, tatchunlaaq chixkʼatq ut taakʼe chi ril ebʼ laahu. Taakʼe chi naweʼk ru chiruhebʼ li hermaan.