Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Xhuhil li qachʼutam  |  Mayo 2016

 QAYUʼAM JOʼ AJ PAABʼANEL

Chanru roksinkil JW Library?

Chanru roksinkil JW Library?

RE TZOLOK:

  • Taayaabʼasi li Santil Hu ut li raqal li xaqabʼanbʼil re li junjunq chi kutan.

  • Taayaabʼasi li Anuario, li hu La Atalaya ut li ¡Despertad! ut jalan chik li tasal hu. Taawoksi li eetalil «Marcadores».

  • Tzol chixjunil li t-ilmanq saʼ li chʼutam ut bʼon xsumenkil ebʼ li patzʼom.

  • Taawil ebʼ li bʼideo.

SAʼ LI CHʼUTAM:

  • Taasikʼ ebʼ li raqal li Santil Hu li yooq xyeebʼal laj kʼehol seeraqʼ. Taawoksi li eetalil «Historial» re naq tatsutqʼiiq saʼ li raqal li ak sikʼbʼil aabʼan.

  • Re naq inkʼaʼ taakʼam naabʼal li tasal hu, oksi JW Library saʼ li chʼutam ut re bʼichank. Saʼ JW Library wank ebʼ li akʼ bʼich, usta toj maakʼaʼ saʼ li bʼichlebʼaal.

SAʼ LI PUKTESINK:

  • Wi nakaataw junaq li qas qiitzʼin li xwulak chiru li yaal, kʼut chiru junaq li naʼlebʼ li wank saʼ JW Library ut tenqʼa chi xkubʼsinkil li kʼanjelobʼaal aʼin ut wiibʼ oxibʼ li tasal hu saʼ li xselular.

  • Taawoksi li eetalil «Buscar» ut aran taatzʼiibʼa jun malaj wiibʼ li aatin re xsikʼbʼal jun xraqal li Santil Hu.

  • Kʼut junaq li bʼideo. Wi li poyanam wank xkokʼal, naru nakaakʼut chiru junaq rehebʼ li bʼideo bʼarwiʼ naxye Chatwanq choʼq ramiiw li Jehobʼa. Naru ajwiʼ nakaakʼut li bʼideo Kʼaʼut Us naq Tattzoloq Chirix li Santil Hu? re xtikibʼankil xkʼebʼal xtzolbʼal. Wi jalan raatinobʼaal, sikʼ junaq li bʼideo li wank saʼ li raatinobʼaal.

  • Kʼut chiru junaq li poyanam jun xraqal li Santil Hu saʼ jalan chik aatinobʼaal li ak kubʼsinbʼil aabʼan. Sikʼ li raqal, taapitzʼ li ajl ut taapitzʼ bʼarwiʼ wank li jalan jalanq chi Santil Hu.