Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Xhuhil li qachʼutam  |  Marzo 2016

 QAYUʼAM JOʼ AJ PAABʼANEL

Ebʼ li kamenaq teʼwakliiq chi yoʼyo saʼ xkʼabʼaʼ li xkamik li Jesus

Ebʼ li kamenaq teʼwakliiq chi yoʼyo saʼ xkʼabʼaʼ li xkamik li Jesus

Xnimankil li xkamik li Jesus, naxkʼe qahoonal chi xkʼoxlankil chixjunil li osobʼtesink li tqakʼul saʼ xkʼabʼaʼ naq kixqʼaxtesi li xyuʼam. Jun rehebʼ li osobʼtesink aʼin, aʼan li wakliik wiʼ chik chi yoʼyo. Li Jehobʼa maajunwa kiraj naq tookamq. Joʼkan naq, narahoʼk saʼ qachʼool naq nakamk junaq li qakomon malaj qamiiw (1Co 15:26). Kʼajoʼ naq kirahoʼk xchʼool li Jesus naq kirilebʼ chi yaabʼak ebʼ li xtzolom chirix li xkamik laj Lazaro (Jn 11:33-35). Saʼ xkʼabʼaʼ naq li Jesus kixkʼut chi tzʼaqal chanru li Xyuwaʼ, naqanaw naq li Jehobʼa narahoʼk ajwiʼ saʼ xchʼool naq nokooril chi yaabʼak chirix xkamik ebʼ li qamiiw ut ebʼ li qakomon (Jn 14:7). Li Jehobʼa naraj chi anchal xchʼool naq twulaq xqʼehil re xwaklesinkilebʼ wiʼ chik chi yoʼyo li tiikebʼ xchʼool, ut aʼan ajwiʼ naqaj laaʼo (Job 14:14, 15).

Saʼ xkʼabʼaʼ naq li Yos nawulak chiru xbʼaanunkil chixjunil chi tustu ru, naqanaw naq chi kʼubʼkʼu tixwaklesihebʼ li kamenaq (1Co 14:33, 40). Inkʼaʼ chik tooyaabʼaq chirixebʼ li qakamenaq, sahaq bʼan saʼ qachʼool chi xkʼulbʼalebʼ wiʼ chik. Naq nakamk junaq li qas qiitzʼin, ma nakaakʼe aahoonal chi xkʼoxlankil li oybʼenihom aʼin? (2Co 4:17, 18.) Ma nakaabʼanyoxi re li Jehobʼa naq nokooxmaatani rikʼin li wakliik wiʼ chik chi yoʼyo ut naq naxchʼolobʼ chiqu saʼ li Santil Hu naq ebʼ li kamenaq teʼwakliiq wiʼ chik chi yoʼyo? (Col 3:15.)

  • Ani rehebʼ laawamiiw malaj ebʼ laakomon nakaawaj tzʼaqal rilbʼal wiʼ chik?

  • Ani rehebʼ li poyanam li wank saʼ li Santil Hu nakaawaj xnawbʼal ru ut aatinak rikʼin?