Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Xhuhil li qachʼutam  |  Marzo 2016

 XCHAQʼALIL RU LI RAATIN LI YOS | JOB 1-5

Laj Job maajunwa kixtzʼeqtaana li Yos usta kixkʼul li rahilal

Laj Job maajunwa kixtzʼeqtaana li Yos usta kixkʼul li rahilal

Naq ebʼ laj Israel keʼwank choʼq moos saʼ li tenamit Egipto, laj Job wank chaq saʼ li tenamit Uz. Usta laj Job maawaʼ chaq aj Israel, junelik kixloqʼoni ru li Jehobʼa. Nim li xjunkabʼal ut naabʼal xbʼihomal. Kʼebʼil xwankil laj Job saʼ li xtenamit xbʼaan naq wank xnaʼlebʼ ut naxyuʼami li tiikilal. Ut naxtenqʼahebʼ li nebʼaʼ ut li wankebʼ saʼ rajbʼal ru. Laj Job junelik kiwank saʼ tiikilal chiru li Yos.

Laj Job kixkʼutbʼesi naq li Jehobʼa wank xwankil saʼ li xyuʼam

1:8-11, 22; 2:2-5

  • Laj Tza kixkʼe reetal naq laj Job tiik xchʼool ut kaw xpaabʼal. Laj Tza moko kixye ta naq laj Job inkʼaʼ naxpaabʼ li Yos, kixwechʼ bʼan kʼaʼut napaabʼank chiru li Yos.

  • Laj Tza kixye naq laj Job nakʼanjelak chiru li Yos xbʼaan naq naʼosobʼtesiik.

  • Ut re xsumenkil li tikʼtiʼ aʼin, li Jehobʼa kixkanabʼ naq laj Tza tixkʼe saʼ rahilal laj Job, joʼkan naq, kʼajoʼ naq kixrahobʼtesi.

  • Saʼ xkʼabʼaʼ naq laj Job inkʼaʼ kixtzʼeqtaana li Yos, laj Tza kiʼok xwechʼbʼal rix li junjunq chi poyanam.

  • Laj Job inkʼaʼ kiʼaatinak chirix xjolom li Yos chi moko kixye ta naq aʼan kikʼehok re saʼ rahilal.