Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Xhuhil li qachʼutam  |  Febrero 2017

 QAYUʼAM JOʼ AJ PAABʼANEL

Qoksihaq chiʼus ebʼ li tasal hu

Qoksihaq chiʼus ebʼ li tasal hu

«Chi maatan xekʼul, ut chi maatan ajwiʼ teekʼe», kixkʼut li Jesus (Mt 10:8). Naqapaabʼ li naʼlebʼ aʼin naq inkʼaʼ nokoopatzʼok tumin rehebʼ li poyanam chirix li Santil Hu chi moko chirix ebʼ li tasal hu (2Co 2:17). Abʼan saʼebʼ li tasal hu wank li yaal chirix li Raatin li Yos li jwal oxloqʼ ru. Joʼkan ajwiʼ, naʼajmank naabʼal li hoonal ut li tumin risinkil chi huhil ut xtaqlankil saʼ chixjunil ebʼ li chʼuut li wank saʼ xbʼeen li Ruuchichʼochʼ. Joʼkan naq, tento raj tqakʼam kaʼajwiʼ li tqoksi.

Kʼoxla chiʼus naq taakʼe ebʼ li hu rehebʼ li poyanam, joʼ ajwiʼ naq wanqat saʼ li kʼanjelobʼaal bʼarwiʼ nekeʼnumeʼk naabʼal li poyanam (Mt 7:6). Moko yal taakʼe ta ebʼ li hu rehebʼ li poyanam li yooqebʼ chi numeʼk, taakʼe bʼan aachʼool chi seeraqʼik rikʼinebʼ re xnawbʼal ma tzʼaqal yaal naq nekeʼraj rabʼinkil li esil. Kʼoxla ma tatruuq xsumenkil jun rehebʼ li patzʼom li wank saʼ li kaaxukuut. Wi moko chʼolchʼo ta chaawu ma nawulak chiru li esil, us raj naq taakʼe re jun li tratado. Abʼanan, tatruuq xkʼebʼal junaq li tasal hu malaj junaq chik li hu rehebʼ li teʼxpatzʼ aawe (Pr 3:27, 28).