Li xyobʼtesihom li Yos naxkʼut li xchaqʼalil ru laj Yobʼtesinel (Sl 19:1-4; 139:14). Abʼanan, li ruuchichʼochʼ li wank rubʼel xwankil laj Tza naxmaajewa li Yos naq naxkʼut li naʼlebʼ chirix chanru kitiklaak li yuʼam (Ro 1:18-25). Kʼaru taabʼaanu re naq li naʼlebʼ aʼin inkʼaʼ txeʼinq saʼ xkʼaʼuxebʼ ut saʼ xchʼoolebʼ laakokʼal? Kawresihebʼ li xpaabʼal chalen saʼ xkachʼinalebʼ rikʼin xkʼutbʼal chiruhebʼ naq li Jehobʼa yoʼyo ut naxrahebʼ (2Co 10:4, 5; Ef 6:16). Tzʼil rix kʼaru tzʼaqal nekeʼxkʼoxla chirix li nekeʼkʼuteʼk chiruhebʼ saʼ li tzolebʼaal, oksi ebʼ li jalan jalanq chi kʼanjelobʼaal re naq tatruuq chi wulak saʼ xchʼoolebʼ (Pr 20:5; Snt 1:19).

NAQ AK XʼILMANK LI BIDEO LO QUE OPINAN OTROS JÓVENES: CREER EN DIOS, TTZʼILMANQ EBʼ LI PATZʼOM AʼIN:

  • Kʼaru nekeʼxye ebʼ li qas qiitzʼin chirix xpaabʼankil li Yos?

  • Kʼaru nekeʼxkʼut saʼ laatzolebʼaal?

  • Kʼaʼut chʼolchʼo chaawu naq li Jehobʼa yoʼyo?

  • Chan raj ru taatenqʼa junaq li poyanam re naq tixpaabʼ naq li Yos kiyiibʼank re chixjunil?