Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Xhuhil li qachʼutam  |  Enero 2016

 QAYUʼAM JOʼ AJ PAABʼANEL

Oxloqʼ xkabʼlankil ut rilbʼal xnaʼaj ebʼ li qachʼutam

Oxloqʼ xkabʼlankil ut rilbʼal xnaʼaj ebʼ li qachʼutam

Usta kiʼajmank naabʼal li kʼanjel ut li tumin re xxaqabʼankil li rochoch li Yos aran Israel, ebʼ li xmoos li Jehobʼa keʼtzʼaqonk chi anchalebʼ xchʼool (1Cr 29:2-9; 2Cr 6:7, 8). Moqon chik, kinawmank chanru wank li xpaabʼalebʼ laj Israel naq keʼxyiibʼ li Rochoch li Yos (2Re 22:3-6; 2Cr 28:24; 29:3). Saʼebʼ li qakutan, laaʼo joʼ aj paabʼanel naqoksi naabʼal li hoonal ut li qametzʼew re xkabʼlankil, xsaabʼesinkil ut xyiibʼankil ebʼ li Chʼutlebʼaal Kabʼl ut ebʼ li Nimla Chʼutlebʼaal. Chixjunil aʼin naxchap ajwiʼ ribʼ rikʼin xloqʼoninkil li Yos. Peʼyaal naq oxloqʼ chiqu tzʼaqonk chi joʼkan chiru li Jehobʼa? (Sl 127:1; Ap 7:15.)

CHANRU TOORUUQ CHI TENQʼANK?

  • Naq ak xraqeʼk li qachʼutam tento tqaxok chixjunil. Tqakanabʼ chi saq ut chi chaabʼil li naʼaj bʼarwiʼ xoochunlaak.

  • Aajel ru naq tqabʼaanu li kʼanjel li kʼubʼanbʼil re xsaabʼesinkil ut re xyiibʼankil li Chʼutlebʼaal Kabʼl. Naq naabʼalo chi tenqʼank saʼ junpaat ut saʼ sahil chʼoolejil nabʼaanumank li kʼanjel (lv perel 92, raqal 18).

  • Naru nokootenqʼank rikʼin tumin. Oxloqʼ chiru li Jehobʼa naq nokootenqʼank rikʼin tumin chi anchal qachʼool usta kachʼin tqakʼe (Mr 12:41-44).

  • Wi naxkʼe ribʼ chiqu, naru naqayeechiʼi qibʼ re xkabʼlankil ut xyiibʼankil ebʼ li ochoch li nekeʼkʼanjelak re xloqʼoninkil ru li Jehobʼa. Re naq tooruuq chi tenqʼank moko aajel ta ru naq tqanaw yiibʼank ochoch.