Li moy u li kiril laj Ezequiel chirix li rochoch li Yos naxkʼut naq li xtenamit li Yos tixkʼe raj li xtenqʼ chi anchal xchʼool. Chanru tooruuq xnimankil li Yos? (Heb 13:15, 16).

Jun rehebʼ li naʼlebʼ re xloqʼoninkil ru li Yos aʼan xbʼaanunkil 50 hoonal saʼ li puktesink. Chiru li qakʼanjel re li chihabʼ 2018, wiibʼ oxibʼ rehebʼ li po tixkʼam chaq oobʼ Sabado malaj oobʼ Domingo. Aʼin ttenqʼanq rehebʼ li nekeʼkʼanjelak chiruhebʼ li oobʼ kutan ut nekeʼpuktesink chiruhebʼ li Sabado ut ebʼ li Domingo. Joʼkan ajwiʼ, teʼruuq xbʼaanunkil 30 hoonal chiru li po Marzo ut Abril, ut naq twulaq chi ulaʼanink li cheekel winq saʼ li chʼuut.

Abʼan, wi li qawanjik inkʼaʼ nokooxkanabʼ xbʼaanunkil li hoonal aʼin? Usta joʼkanaq, toj wank tooruuq xbʼaanunkil: chiqajunilo tqakʼe qaqʼe chi xkʼebʼal xtzʼaqobʼ li puktesink ut tqabʼaanu chiʼus. Maakʼaʼ naxye chanru li qawanjik, li qarahom chirix li Jehobʼa toorekʼasi chi kʼanjelak chiʼus chiru li chihabʼ 2018 (Os 14:2).

Chanru tinkʼam we rikʼin xSabina Hernandez naq nawulak chiru puktesink?

IL LI BʼIDEO «WI LI XSABINA NARU, CHIQAJUNILO TOORUUQ AJWIʼ» UT SUME EBʼ LI PATZʼOM:

  • Kʼaru naʼekʼasink re xSabina chi xkʼebʼal xkomon li xhoonal chiru li Jehobʼa?

  • Chanru naxkawresi laachʼool li eetalil li naxkʼe xSabina?

  • Saʼ kʼaru li po malaj ebʼ li po tinruuq xbʼaanunkil 50 hoonal saʼ li puktesink chiru li qakʼanjel re li chihabʼ 2018?