Anihebʼ tqakʼul chi kʼajoʼ xsahil qachʼool? Chixjunilebʼ li nekeʼwulak saʼebʼ li chʼutam, maakʼaʼ naxye ma akʼebʼ malaj ak najter naqanawebʼ ru (Ro 15:7; Heb 13:2). Maare jun rehebʼ li qech aj paabʼanel re jalan chik tenamit malaj li xkanabʼ kʼanjelak naabʼal chihabʼ chiru li Jehobʼa ut aʼin li xbʼeen sut naq xqil wiʼ chik ru. Chan raj ru taawekʼa aawibʼ wi laaʼat raj li qech aj paabʼanel aʼin? Ma inkʼaʼ raj taabʼanyoxi naq tateʼxkʼul chi sa saʼ xchʼoolebʼ? (Mt 7:12). Joʼkan naq us naq tqakʼe qachʼool chi xsutbʼal li Chʼutlebʼaal Kabʼl re kʼehok sahil chʼoolejil naq toj maajiʼ natiklaak li chʼutam joʼ ajwiʼ naq ak xraqeʼk. Aʼin nokooxtenqʼa chi wank saʼ sahilal ut chi xraabʼal qibʼ (Mt 5:16). Usta yaal naq maare inkʼaʼ tooruuq chi aatinak rikʼin chixjunilebʼ. Abʼanan, wi chiqajunqal tqakʼe qachʼool chi xbʼaanunkil aʼin, chixjunilebʼ sahaqebʼ saʼ xchʼool chi wulak saʼ li chʼutam. *

Li kʼuluk chi sa qachʼool tento raj junelik tqakʼutbʼesi ut inkʼaʼ yal joqʼeqil, joʼ naq nawank xnimankil li xkamik li Jesus. Naq ebʼ li akʼ teʼkʼuleʼq rikʼin li rahok li nekeʼxkʼe ebʼ li tzʼaqal aj paabʼanel, maare t-alaaq saʼ xchʼoolebʼ xloqʼoninkil li Yos ut teʼraj wank saʼ li tzʼaqal paabʼal (Jn 13:35).

^ párr. 3 Joʼ naxye li Santil Hu inkʼaʼ tqaatinahebʼ li keʼisiik saʼ li chʼuut malaj li inkʼaʼ chik nekeʼraj wank choʼq aj Testiiw usta wanqebʼ saʼ li chʼutam (1Co 5:11; 2Jn 10).