Rilb'al li na'leb'

Rilb'al li xk'ab' tusulal na'leb'

Rilb'al li xtusulal naʼlebʼ

Testiiw re li Jehobʼa

Q’eqchi’

Xhuhil li qachʼutam  |  Abril 2017

 QAYUʼAM JOʼ AJ PAABʼANEL

Kawresi xchʼool laj paabʼanel li xkanabʼ kʼanjelak chiru li Jehobʼa

Kawresi xchʼool laj paabʼanel li xkanabʼ kʼanjelak chiru li Jehobʼa

Rajlal chihabʼ, naabʼalebʼ li qech aj paabʼanel li xeʼxkanabʼ kʼanjelak chiru li Jehobʼa nekeʼwulak chi xnimankil li xkamik li Jesus. Usta najter xeʼok chi aanilak saʼ li bʼe re li yuʼam, xeʼxkanabʼ xbʼaanunkil saʼ xkʼabʼaʼ wiibʼ oxibʼ li naʼlebʼ, joʼ li naxchʼolobʼ saʼ li folleto Jehová desea que vuelva (Heb 12:1). Abʼan li xeʼxkanabʼ kʼanjelak chiru li Jehobʼa toj oxloqʼebʼ chiru aʼan, xbʼaan naq kixloqʼebʼ rikʼin xkikʼel li Ralal (Hch 20:28; 1Pe 1:18, 19). Chanru tooruuq xtenqʼankilebʼ re naq teʼsutqʼiiq saʼ li chʼuut?

Ebʼ li cheekel winq re li chʼuut nekeʼxkʼe xchʼool chi aatinak rikʼinebʼ li qech aj paabʼanel aʼin ut xtenqʼankilebʼ, joʼ naxbʼaanu laj kʼaakʼalenel karneer li naxkʼe xchʼool chi xsikʼbʼal ebʼ li karneer li xeʼxkanabʼ li chʼuut (Lu 15:4-7). Aʼin naxkʼut tzʼaqal li xrahom li Jehobʼa (Jer 23:3, 4). Abʼan moko kaʼaj tawiʼ ebʼ li cheekel winq teʼruuq xkawresinkil xchʼool ebʼ li hermaan aʼin; chiqajunilo tooruuq xbʼaanunkil. Yalaq kʼaru li naʼlebʼ li tqabʼaanu re xkʼutbʼesinkil li usilal ut li rahok tixsahobʼresi xchʼool li Jehobʼa ut tqataw rusilal (Pr 19:17; Hch 20:35). Joʼkan naq, kʼoxla ani tatruuq xkawresinkil xchʼool ut bʼaanu saʼ junpaat.

IL LI BʼIDEO ANIMEMOS A LOS INACTIVOS UT CHIRIX CHIK AʼAN TAATZʼIL RIX EBʼ LI PATZʼOM AʼIN:

  • Kʼaru kixbʼaanu li xʼAbbey naq kixnaw ru jun li rech aj paabʼanel ixq li kixkanabʼ kʼanjelak chiru li Jehobʼa?

  • Kʼaʼut tento tooʼaatinaq rikʼinebʼ li cheekel winq wi naqaj xtenqʼankil junaq li qech aj paabʼanel li xkanabʼ kʼanjelak chiru li Jehobʼa?

  • Chanru kixkawresi ribʼ xbʼeenwa li xʼAbbey re rilbʼal li xLaura saʼ xkaʼsutil?

  • Chanru kixkʼutbʼesi li xʼAbbey naq wank xkuyum, naq inkʼaʼ kilubʼk, ut naq wank xrahom chi xtenqʼankil li xLaura?

  • Kʼaru naxkʼut chiqu li eetalil li kiroksi li Jesus li natawmank saʼ Lucas 15:8-10?

  • Kʼaru rusilal kitawmank naq chixjunilebʼ keʼxkʼe xchʼool chi xtenqʼankil li xLaura?