Bai pa asuntu

Kuzê ki é un studu di Bíblia?

Kuzê ki é un studu di Bíblia?

Tistimunhas di Jeová ta oferese un prugrama di studu di Bíblia ki ta responde txeu pergunta, sima:

  • Ken ki é Deus?

  • Deus ta preokupa ku mi di verdadi?

  • Modi ki N pode midjora nha kazamentu?

  • Modi ki N pode ten filisidadi na vida?

Bu ta atxa respóstas di kes pergunta ki más ta fazedu sobri nos prugrama di studu di Bíblia li dibaxu.

Modi ki ta fazedu studu di Bíblia? Nu ta skodje asuntus sima “Deus” ô “kazamentu” i nu ta analiza kes versíklu di Bíblia ki ten aver ku kes asuntu. Óras ki nu konpara kes versíklu, nu ta odja kuzê ki Bíblia ta fla sobri kel asuntu i asi nu ta dexa Bíblia ta splika Bíblia.

Pa djuda-nu studa Bíblia, nu ta uza livru Kuzê ki nu pode prende na Bíblia? Kel livru li ta splika di manera klaru kuzê ki Bíblia ta inxina sobri Deus, Jizus i nos futuru. El ta splika otus asuntu tanbê.

Kantu ki ta pagadu pa studa Bíblia? Studu di Bíblia é di grasa i bu ka ta paga nada pa kes livru ki bu ta studa na es.

Kantu ténpu ki studu ta dura? Txeu algen ta tra un óra ô más pa studa Bíblia ku nos kada simana. Má studu di Bíblia ka ten ki dura un óra. Nu ta studa konfórmi bu ta konsigi.

Kuzê ki ta kontise óras ki N pidi un studu di Bíblia? Óras ki bu pidi un studu di Bíblia, un Tistimunha di Jeová ta vizita-u na óra i na lugar ki bu krê. Kel Tistimunha di Jeová ta tra alguns minutu pa mostra-u modi ki nu studa Bíblia. Si bu gosta, bu pode kontinua ta studa.

Si N seta un studu di Bíblia, N ten ki bira un Tistimunha di Jeová? Nau. Tistimunhas di Jeová gosta di inxina pesoas sobri Bíblia, má nunka nu ka ta obriga ningen pa faze párti di nos relijion. Envês di kel-li, nu ta mostra kuzê ki Bíblia ta fla ku ruspetu i nu ta rekonhise ma kada algen ten direitu di skodje na kuzê ki el ta kridita. — 1 Pedro 3:15.