Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

Intruduson di párti 9

Intruduson di párti 9

Kel párti li ta inxina-nu sobri jóvens, profétas i reis ki mostra un grandi fé na Jeová. Na Síria, un minininha israelita tinha fé ma proféta di Jeová ta kuraba Naaman. Proféta Elizeu tinha tudu kunfiansa ma Jeová ta protejeba el di trópas inimigu. Jioiada, ki éra Saserdóti Prinsipal, poi se vida na prigu pa proteje Jioás di Atalia, ki éra se avó. Rei Ezekias ta kunfiaba ma Jeová ta salvaba Jiruzalen, pur isu el ka ntrega kabésa pa Asíria. Rei Juzias kaba ku adorason di imajis, el konpo ténplu i el djuda nason volta pa adorason verdaderu otu bês.

NA ES PÁRTI

LISON 51

Un ómi di géra ku un minininha

Un jóven israelita fla se patroa sobri grandi puder di Jeová. Pamodi kel-la, kontise un milagri.

LISON 52

Grandi izérsitu di Jeová

Modi ki ajudanti di Elizeu odja ma ‘kel ki sta ku nos é más txeu di ki kel ki sta ku es.’

LISON 53

Jioiada mostra koraji

Un saserdóti lial ta nfrenta un rainha mau.

LISON 54

Jeová mostra paxénxa ku Jonas

Pamodi ki un pexi grandi inguli proféta di Deus? Modi ki el sai di déntu kel pexi? I kuzê ki Jeová inxina-l?

LISON 55

Anju di Jeová proteje rei Ezekias

Inimigus di Judá flaba ma Jeová ka ta protejeba se povu, má es staba nganadu!

LISON 56

Juzias ta amaba lei di Deus

Juzias bira rei di Judá kantu el tinha 8 anu i el djuda povu adora Jeová.