Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

 LISON 24

Es ka kunpri ses promésa

Es ka kunpri ses promésa

Jeová fla Muizes: ‘Subi na monti. N ta ben skrebe nhas lei na tábuas di pédra i N ta da-u’. Muizes subi monti i el fika la 40 dia ku 40 noti. Timenti el staba la, Jeová skrebe kes 10 mandamentu na dôs tábua di pédra i el da Muizes.

Dipôs di algun ténpu, israelitas pensa ma Muizes ka sta voltaba más. Es fla Aron: ‘Nu meste un algen pa toma kónta di nos. Faze-nu un deus!’ Aron fla: ‘Nhos da-m oru’. El desfaze oru i el faze státua di un bixéru. Povu fla: ‘Kel bixéru li é nos deus ki tra-nu di Ijitu!’ Es kumesa ta adora bixéru i es faze un fésta. Es faze dretu? Nau, pamodi es prometeba ma es ta adoraba sô Jeová. Es ka kunpri kel promésa.

Jeová odja kuzê ki staba ta kontise i el fla Muizes: ‘Dixi  bu bai djobe povu. Es ka obi ku mi i es sta ta adora un deus falsu.’ Muizes dixi di monti ku kes dôs tábua na mô.

Kantu ki el txiga pértu di kanpamentu, el obi povu ta kanta. Dipôs el odja-s ta badja i ta nbaxa dianti di bixéru. Muizes fika uma xatiadu. El bota kes dôs tábua na txon i es kebra. Kel óra el distrui kel bixéru. Dipôs el pergunta Aron: ‘Pamodi ki bu dexa povu pô-u ta faze un kuza gravi di kel-li?’ Aron fla: ‘Ka bu fika xatiadu ku mi. Bu sabe modi ki povu é. Es kreba un deus, N poi ses oru na lumi i sai un bixéru!’ Aron ka devia fazeba kel-la. Muizes subi monti otu bês pa bai pidi Jeová pa púrdua povu.

Jeová púrdua kes algen ki krê obiba ku el. Bu ntende pamodi ki éra inportanti israelitas obiba ku Muizes?

‘Sénpri ki bu faze un promésa pa Deus, ka bu dura ki kunpri-l, pamodi el ka ta fika kontenti ku kes algen tolu. Kel ki bu promete, kunpri.’ — Eclesiastes 5:4