Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

Intruduson di párti 3

Intruduson di párti 3

Dipôs di Dilúviu, Bíblia ta pâpia di poku algen ki ta obiba ku Jeová. Abraon éra un di kes ki ta obiba ku Jeová, pur isu el éra konxedu kómu amigu di Jeová. Pamodi ki el txomadu amigu di Jeová? Si bo é mai ô pai, djuda bu fidju ntende ma Jeová gosta txeu di el i ma el krê djuda-l. Nu pode pidi ajuda di Jeová sénpri ki nu krê, sima Abraon, Ló, Jakó i otus ómi di fé ta fazeba. Nu pode ten sertéza ma Jeová ta ben kunpri tudu promésas ki el faze.

NA ES PÁRTI

LISON 7

Tori di Babel

Pesoas disidi faze un sidadi i un tori ki ta txigaba Séu. Pamodi ki di repenti Deus pô-s ta pâpia línguas diferenti?

LISON 8

Abraon ku Sara obi ku Deus

Pamodi ki Abraon ku Sara troka ses vida na sidadi di Ur, pa bai fika ta anda kada óra na un lugar na téra di Kanan?

LISON 9

Abraon ku Sara ten un fidju

Modi ki Deus ta kunpriba promésa ki el faze Abraon? El ta kunpriba el através di Izaki ô di Ismael?

LISON 10

Lenbra kuzê ki kontise ku mudjer di Ló

Deus manda txuba di lumi ku inxofri pa Sudoma ku Gumora. Pamodi ki kes dôs sidadi distruídu? Pamodi ki nu ka debe skese kuzê ki kontise ku mudjer di Ló?

LISON 11

Un próva di fé

Deus fla Abraon: ‘Favor panha kel un fidju ki bu ten i oferese-l kómu sakrifisiu na un monti na téra di Moriá.’ Modi ki Abraon lida ku kel próva di fé?

LISON 12

Jakó resebe un eransa

Izaki ku Rebeka tinha dôs fidju jémiu ki txomaba Izaú i Jakó. Pamodi Izaú nase primeru, el tinha direitu di resebe un eransa spesial. Pamodi ki el troka-l pa un pratu di kumida?

LISON 13

Jakó faze pas ku Izaú

Modi ki Jakó resebe benson di un anju? I modi ki el faze pas ku Izaú?