Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

 LISON 94

Disiplus resebe spritu santu

Disiplus resebe spritu santu

Dipôs di 10 dia ki Jizus bai pa Séu, se disiplus resebe spritu santu. Kel-li kontise na anu 33. Gentis di monti lugar bai Jiruzalen pa komemora fésta di Pentikósti. Staba uns 120 disiplu di Jizus djuntadu na un sala di un kaza. Dirapenti, kontise un kuza stranhu. Parse un kuza sima lumi riba kabésa di tudu disiplu i tudu es kumesa ta pâpia kada un na un língua. Es obi un barudju sima di tenporal ku béntu ki intxi kaza.

Gentis ki ben di otus lugar pa Jiruzalen, obi kel barudju i es kóre pa kel kaza, pa bai odja kuzê ki kontise. Es fika spantadu kantu es obi disiplus ta pâpia ku es na ses língua. Es pergunta: ‘Má kes algen li é ka di Galilea? Modi ki es sta konsigi pâpia nos língua?’

Dipôs, Pedru ku kes otu apóstlu fika sakédu dianti di kes monti algen. Pedru fla kes algen modi ki Jizus matadu i ma  Jeová resusita-l. Pedru fla: ‘Gósi Jizus sta na Séu na direita di Deus i el manda spritu santu, sima el prometeba. É pur isu ki nhos sta ta odja i nhos sta ta obi kes milagri li.’

Palavras di Pedru toka korason di kes algen di tal manera, ki es pergunta: ‘Kuzê ki nu ten ki faze?’ El fla-s: ‘Nhos rapende di nhos pekadu i nhos batiza na nómi di Jizus. Tanbê nhos ta resebe spritu santu.’ Na kel dia, uns 3 mil algen batizadu. Désdi kel dia, nunbru di disiplus na Jiruzalen ba ta bira más txeu. Ku ajuda di spritu santu, apóstlus forma otus kongregason. Asi es ta inxinaba disiplus tudu kuza ki Jizus manda-s faze.

‘Si bu fla tudu algen ku bu bóka ma Jizus é Sinhor, i na bu korason bu ten fé ma Deus labanta-l di meiu di kes ki sta mortu, bu ta ser salvu.’ — Romanos 10:9