Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

 LISON 93

Jizus volta pa Séu

Jizus volta pa Séu

Jizus nkontra ku se sigidoris na Galilea. El da-s un órdi txeu inportanti: ‘Nhos bai i nhos faze disiplus di pesoas di mundu interu. Nhos inxina-s kuzas ki N inxina nhos i nhos batiza-s.’ Dipôs el promete-s: ‘Nhos lenbra ma sénpri N ta sta ku nhos.’

Dipôs ki Jizus resusita, duránti 40 dia, el parse pa txeu di se disiplus na Galilea ku Jiruzalen. El inxina-s lisons inportanti i el faze txeu milagri. Dipôs, Jizus nkontra ku se apóstlus pa últimu bês na Monti di Olivera.

Jizus dja flaba se disiplus: ‘Ka nhos sai di Jiruzalen. Nhos kontinua ta spéra pa kuza ki nha Pai promete nhos.’ Má es ka ntende kuzê ki el kria flaba. Es pergunta-l: ‘É gósi ki bu sta ben ser Rei di Israel?’ Jizus fla: ‘Inda ka txiga ténpu pa Jeová faze-m Rei. Já já, nhos ta ben resebe puder di spritu santu i nhos ta ser nhas tistimunha. Nhos bai prega na Jiruzalen, na Judea, na Samaria i na lugaris más lonji di Téra.’

Dipôs, Jizus subi pa Séu i un núven kubri-l. Se disiplus fika ta djobe pa riba, má Jizus dja baba pa Séu.

Disiplus sai di Monti di Olivera i es bai pa Jiruzalen. Sénpri es ta djuntaba na un sala na un primeru andar i es ta oraba. Es fika ta spéra pa Jizus da-s más orientason.

‘Es notísias sábi di reinu ta ben ser pregadu na mundu interu, pa sirbi di tistimunhu pa tudu nason; dipôs fin ta ben.’ — Mateus 24:14