Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

 LISON 76

Jizus linpa ténplu

Jizus linpa ténplu

Más ô ménus na mês di abril di anu 30, Jizus bai Jiruzalen. Txeu algen bai la pa Páskua. Un di kes kuza ki es ta fazeba pa komemoraba Páskua éra oferese animal na ténplu . Alguns algen ta trazeba animal djuntu ku es, má otus ta kunpraba na Jiruzalen.

Kantu Jizus bai ténplu, el odja pesoas ta bende animal la. Es staba ta ganha dinheru na kaza di adorason pa Jeová! Kuzê ki Jizus faze? El faze un xikóti di kórda i el poi kes ovelha ku tudu kes otu animal ki staba la pa fóra di ténplu. El rabida méza di kes algen ki ta trokaba dinheru i el baza ses dinheru na txon. Jizus fla kes  algen ki ta bendeba ponba: ‘Nhos tra kes kuza di li! Ka nhos faze kaza di nha Pai un lugar di nogósiu!’

Pesoas na ténplu fika dimiradu ku kuza ki Jizus faze. Se disiplus lenbra lógu di kel profesia sobri Misías: ‘N ten un amor fórti pa kaza di Jeová.’

Dipôs, na anu 33, Jizus linpa ténplu pa sugundu bês. El ka dexa ningen mostra falta di ruspetu pa kaza di se Pai.

‘Ningen ka pode sirbi Deus ku rikéza omésmu ténpu.’ — Lúkas 16:13, BPK