Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

 LISON 69

Anju Gabriel vizita Maria

Anju Gabriel vizita Maria

Elizabeti tinha un família ki txomaba Maria ki ta moraba na Galilea, na sidadi di Nazaré. Maria staba noiva di Juzé. Juzé éra karpinteru. Anju Gabriel bai vizita Maria kantu Elizabeti staba grávida di 6 mês. Anju fla-l: ‘Bon dia, Maria. Jeová sta ku bo.’ El ka ntende kuzê ki Gabriel krê flaba el. Nton Gabriel fla-l: ‘Bu ta ben fika grávida, bu ta ben ten un fidju i bu ta pô-l nómi Jizus. El ta ben ser Rei i se Govérnu ka ta kaba nunka más.’

Maria fla: ‘Modi ki N pode ten un fidju? Ami é vírjen.’ Gabriel fla-l: ‘Ka ten nada ki Jeová ka ta pode faze. Spritu santu ta dixi riba bo i bu ta ben ten un fidju. Odja, Elizabeti ki é bu família, tanbê sta grávida na se bedjisa.’ Nton Maria fla: ‘Ami é skravu di Jeová. Si Jeová krê pa ser asi, mi tanbê N krê.’

 Maria bai vizita Elizabeti na un sidadi ki ta fikaba na un monti. Kantu Maria kunprimenta-l, Elizabeti xinti mininu ta salta déntu di bariga. Elizabeti fika xeiu di spritu santu i el fla: ‘Jeová abensua-u Maria. É un kuza grandi pa mi tene mai di nha Sinhor na nha kaza.’ Maria fla: ‘N ta lova Jeová di tudu nha korason.’ Maria fika ku Elizabeti duránti três mês, dipôs el bai pa se kaza na Nazaré.

Kantu Juzé fika ta sabe ma Maria staba grávida, el ka kria kazaba ku el más. Na un sonhu anju parse i fla Juzé: ‘Ka bu xinti medu di kaza ku Maria. El ka faze nada mariadu.’ Nton Juzé kaza ku Maria i el leba-l pa se kaza.

‘Jeová ta faze tudu kel ki el krê na Séu ku na Téra.’ — Salmo 135:6