Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

Intruduson di párti 11

Intruduson di párti 11

Kel párti li ta kumesa ta pâpia di Skrituras Gregu. Jizus nase na un família póbri ki ta viveba na un sidadi pikinoti. El ta trabadjaba ku se pai, ki éra karpinteru. Jizus éra kel ki ta ben salvaba mundu. Jeová skodje-l pa ser Rei di se Reinu na Séu. Si bo é pai ô mai, djuda bu fidju da valor pa manera ki Jeová skodje ku kudadu un família i anbienti ki Jizus ta kriaba na el. Nu ta ben odja modi ki Jeová proteje Jizus pa Eródis ka mata-l i ma nada ka ta inpidi Jeová di faze kel ki el krê. Tanbê nu ta odja modi ki Jeová uza Juan pa pripara kaminhu pa Jizus. Distaka modi ki Jizus mostra ma mésmu kantu el staba pikinoti, el ta amaba leis ku konsedjus di Jeová envês di faze kel ki el krê.

NA ES PÁRTI

LISON 68

Elizabeti ten un fidju

Pamodi ki anju Gabriel fla maridu di Elizabeti ma el ka ta pode papiaba timenti mininu ka naseba?

LISON 69

Anju Gabriel vizita Maria

Anju leba-l un mensaji ki muda se vida.

LISON 70

Anjus aviza ma Jizus dja nase

Pastoris ki obi kuzê ki anju fla es bai faxi ba djobe-l.

LISON 71

Jeová proteje Jizus

Un rei mau krê mataba Jizus.

LISON 72

Jizus, kantu el éra jóven

Pamodi ki instrutoris na ténplu fika spantadu?

LISON 73

Juan pripara kaminhu pa Jizus

Kantu Juan fika grandi el bira proféta. El inxina ma Misías sta ta binha. Modi ki pesoas reaji ku se mensaji?