Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Kuzê ki bu pode prende ku stórias di Bíblia

Kel livru ta pô-u viaja na ténpu, stória di Bíblia sobri kriason, nasimentu di Jizus kristu i sobri Reinu ben governa Téra.

Karta di Grupu Enkaregadu di Óbra

Modi ki nu pode uza kel livru li?

LISON 1

Deus faze Séu ku Téra

Bíblia ta fla ma Deus faze Séu ku Téra. Má bu sabe ki anju ki Deus faze más primeru ki tudu algen i tudu kuza?

LISON 2

Deus faze primeru ómi ku primeru mudjer

Deus faze primeru ómi ku primeru mudjer i el pô-s na jardin di Éden. El kreba pa es tinha un família i bira Téra interu un paraízu.

LISON 3

Adon ku Eva ka obi ku Deus

Pamodi ki kel arvi na meiu di jardin di Éden éra spesial? Pamodi ki Eva kume fruta di kel arvi?

LISON 4

Raiba pode ser prigozu

Deus seta oférta di Abel má el ka seta di Kain. Kantu kain da kónta, el fika ku raiba i el faze un kuza rei di mariadu.

LISON 5

Arka di Nué

Kantu kes anjus mau kaza ku mudjeris na Téra ses fidju éra uma grandi i violéntu. Violénsia staba na tudu lugar. Má Nué éra diferenti. El ta amaba Deus i el ta obiba ku el.

LISON 6

Oitu algen salva na Dilúviu

Dilúviu dura 40 dia i 40 noti. Nué ku se família pasa más di un anu déntu di arka, ti ki txiga ténpu di es sai.

LISON 7

Tori di Babel

Pesoas disidi faze un sidadi i un tori ki ta txigaba Séu. Pamodi ki di repenti Deus pô-s ta pâpia línguas diferenti?

LISON 8

Abraon ku Sara obi ku Deus

Pamodi ki Abraon ku Sara troka ses vida na sidadi di Ur, pa bai fika ta anda kada óra na un lugar na téra di Kanan?

LISON 9

Abraon ku Sara ten un fidju

Modi ki Deus ta kunpriba promésa ki el faze Abraon? El ta kunpriba el através di Izaki ô di Ismael?

LISON 10

Lenbra kuzê ki kontise ku mudjer di Ló

Deus manda txuba di lumi ku inxofri pa Sudoma ku Gumora. Pamodi ki kes dôs sidadi distruídu? Pamodi ki nu ka debe skese kuzê ki kontise ku mudjer di Ló?

LISON 11

Un próva di fé

Deus fla Abraon: ‘Favor panha kel un fidju ki bu ten i oferese-l kómu sakrifisiu na un monti na téra di Moriá.’ Modi ki Abraon lida ku kel próva di fé?

LISON 12

Jakó resebe un eransa

Izaki ku Rebeka tinha dôs fidju jémiu ki txomaba Izaú i Jakó. Pamodi Izaú nase primeru, el tinha direitu di resebe un eransa spesial. Pamodi ki el troka-l pa un pratu di kumida?

LISON 13

Jakó faze pas ku Izaú

Modi ki Jakó resebe benson di un anju? I modi ki el faze pas ku Izaú?

LISON 14

Un skravu ki obi ku Deus

Juzé faze kuzas dretu má el sufri txeu. Pamodi?

LISON 15

Jeová ka skese di Juzé

Nbóra Juzé staba lonji di se família, Jeová prova ma el staba ku el.

LISON 16

Kenha ki éra Jó?

El obi ku Deus mésmu na situason difísil.

LISON 17

Muizes skodje adora Jeová

Kantu el staba pikinoti, Muizes salva pamodi sabedoria di se mai.

LISON 18

Un pé di spinhu ki pega lumi

Pamodi ki lumi ka kema kel pé di spinhu?

LISON 19

Kes três primeru praga

Faraó traze un disgrasa pa se povu pamodi orgulhu dimás ka dexa-l faze un kuza sinplis.

LISON 20

Más 6 praga

Pamodi ki kes praga li é diferenti di kes 3 primeru praga?

LISON 21

Últimu praga

Kel últimu praga foi duru dimás, ti ki Faraó ki éra temozu seta ma el tinha ki reia.

LISON 22

Milagri na Mar Burmedju

Faraó ka móre na kes 10 praga. Má el ta skapaba di milagri ki Deus faze na Mar Burmedju?

LISON 23

Un promésa pa Jeová

Israelitas faze un promésa pa Deus kantu es staba na kanpamentu na Monti Sinai.

LISON 24

Es ka kunpri ses promésa

Kantu ki Muizes bai toma kes 10 Mandamentu, povu faze un pekadu gravi.

LISON 25

Un tabernákulu pa adorason

Kel ténda spesial tinha arka di kontratu.

LISON 26

Kes 12 spion

Juzué ku kalebi éra diferenti di kes otu 10 ómi ki bai djobe téra di Kanan.

LISON 27

Es rabela kóntra Jeová

Korá, Datan, Abiron, ku otus 250 ómi ka konsigi ntende un kuza inportanti sobri Jeová.

Buru di Balaon pâpia

Buru odja un algen ki Balaon ka staba ta odja.

LISON 29

Jeová skodje Juzué

Deus da Juzué instrusons ki pode djuda-nu oji.

LISON 30

Raabi sukundi dôs spion

Paredis di Jerikó baza na txon. Má kaza di Raabi ka kai, nbóra el fazedu riba paredis di Jerikó.

LISON 31

Juzué ku jibionitas

Juzué pidi Deus: “Sól, fika paradu!” Deus faze kel-la?

LISON 32

Un novu lider i dôs mudjer di koraji

Dipôs ki Juzué móre, israelitas kumesa ta adora imajis. Ses vida fika difísil, má es resebe ajuda di un juís ki txomaba Baraki, di Débura ki éra profetiza i di Jael ku se staka di ténda!

LISON 33

Ruti ku Nuemi

Dôs mudjer ki ses maridu móre volta pa Israel. Un di kes mudjer éra Ruti. El bai trabadja na txon di Boás i Boás repara na el.

LISON 34

Jidion ganha midianitas géra

Dipôs ki midianitas maltrata israelitas, povu pidi Jeová ajuda. Modi ki Jidion sô ku 300 ómi konsigi ganha 135 mil trópa inimigu?

LISON 35

Ana pidi Deus un fidju

Elkana leba Ana, Pinina ku se fidjus pa bai adora Jeová na tabernákulu na Silu. La Ana pidi Jeová un fidju. Dipôs di un ténpu Samuel nase!

LISON 36

Promésa ki Jefté faze

Ki promésa Jefté faze i pamodi? Modi ki fidju-fémia di Jefté reaji ku promésa di se pai?

LISON 37

Jeová pâpia ku Samuel

Eli, ki éra saserdóti prinsipal, tinha dôs fidju ki éra saserdótis na tabernákulu, má es ka ta obiba ku leis di Deus. Samuel éra diferenti i Jeová pâpia ku el.

LISON 38

Jeová da Sanson forsa

Deus da Sanson forsa pa luta kóntra filisteus, má kantu Sanson toma mau disizon, filisteus pega-l.

LISON 39

Primeru rei di Israel

Deus da israelitas juizis pa orienta-s, má es kreba un rei. Samuel skodje primeru rei, má dipôs Jeová nega Saul. Pamodi?

LISON 40

Davidi ku Gulias

Jeová skodje Davidi pa ser rei di Israel i Davidi mostra ma Jeová skodje-l dretu.

LISON 41

Davidi ku Saul

Pamodi ki un di kes ómi li ta ôdia kel otu i modi ki kel ki odiadu konporta?

LISON 42

Jonatan éra un ómi korajozu i lial

Fidju di rei bira un grandi amigu di Davidi.

LISON 43

Pekadu ki Rei Davidi faze

Mau disizon ta traze txeu prubléma.

LISON 44

Un ténplu pa Jeová

Deus fika kontenti ku pididu di Salumon i el da-l txeu priviléjiu.

LISON 45

Un Reinu divididu

Txeu israelita para di sirbi Jeová.

LISON 46

Un próva ki kontise na Monti Karmelu

Ken ki é Deus verdaderu? Jeová ô Baal?

LISON 47

Jeová da Elias forsa

Bu ta atxa ma el pode da-u forsa tanbê?

LISON 48

Fidju di un viúva vive otu bês

Dôs milagri na mésmu kaza!

LOSON 49

Un rainha mau ki kastigadu

Jizabel manda mata Nabóti sô pa el toma se plantason di uva! Jeová Deus odja tudu se runhéza ku injustisa.

LISON 50

Jeová difende Jiozafá

Jiozafá ki éra un bon rei, pidi Deus ajuda na orason kantu Judá amiasadu pa se inimigus.

LISON 51

Un ómi di géra ku un minininha

Un jóven israelita fla se patroa sobri grandi puder di Jeová. Pamodi kel-la, kontise un milagri.

LISON 52

Grandi izérsitu di Jeová

Modi ki ajudanti di Elizeu odja ma ‘kel ki sta ku nos é más txeu di ki kel ki sta ku es.’

LISON 53

Jioiada mostra koraji

Un saserdóti lial ta nfrenta un rainha mau.

LISON 54

Jeová mostra paxénxa ku Jonas

Pamodi ki un pexi grandi inguli proféta di Deus? Modi ki el sai di déntu kel pexi? I kuzê ki Jeová inxina-l?

LISON 55

Anju di Jeová proteje rei Ezekias

Inimigus di Judá flaba ma Jeová ka ta protejeba se povu, má es staba nganadu!

LISON 56

Juzias ta amaba lei di Deus

Juzias bira rei di Judá kantu el tinha 8 anu i el djuda povu adora Jeová.

LISON 57

Jeová manda Jeremias prega

Jeremias éra un proféta jóven. Kuzê ki el fla poi ansions di Judá ta fika uma xatiadu.

LISON 58

Jiruzalen distruídu

Povu di Judá kontínua ta adora otus deus ki éra falsu, pur isu Jeová bandona-s.

LISON 59

Kuatu rapás ki obi ku Jeová

Rapazis judeu staba disididu na kontínua lial pa Jeová, mésmu ta trabadja na palásiu di rei na Babilónia.

LISON 60

Un Reinu ki ta ben fika pa tudu ténpu

Daniel splika siginifikadu di kel sonhu stranhu di Nabukudunuzor

LISON 61

Es nega nbaxa frenti di státua

Sadraki, Mizaki ku Abidinegu nega nbaxa pa adora imaji di oru ki rei di Babilónia faze.

LISON 62

Un Reinu sima un arvi grandi

Sonhu di Nabukudunuzor ta mostraba se própi futuru.

LISON 63

Un mô ta skrebe na paredi

Ki ténpu ki kes palavra ki ningen ka ntende parse i kuzê ki es ta siginifikaba?

LISON 64

Daniel botadu na kóba di lions

Ora pa Jeová tudu dia, sima Daniel ta fazeba!

LISON 65

Ester salva se povu

Ester éra stranjeru i el ka tinha mai nen pai, má simé el bira rainha.

LISON 66

Esdras inxina Lei di Deus

Dipôs ki Israelitas obi ku Esdras, es faze un promésa spesial pa Deus.

LISON 67

Paredis di Jiruzalen

Neemias da kónta ma se inimigus krê atakaba es. Pamodi ki el ka staba ku medu?

LISON 68

Elizabeti ten un fidju

Pamodi ki anju Gabriel fla maridu di Elizabeti ma el ka ta pode papiaba timenti mininu ka naseba?

LISON 69

Anju Gabriel vizita Maria

Anju leba-l un mensaji ki muda se vida.

LISON 70

Anjus aviza ma Jizus dja nase

Pastoris ki obi kuzê ki anju fla es bai faxi ba djobe-l.

LISON 71

Jeová proteje Jizus

Un rei mau krê mataba Jizus.

LISON 72

Jizus, kantu el éra jóven

Pamodi ki instrutoris na ténplu fika spantadu?

LISON 73

Juan pripara kaminhu pa Jizus

Kantu Juan fika grandi el bira proféta. El inxina ma Misías sta ta binha. Modi ki pesoas reaji ku se mensaji?

LISON 74

Jizus bira Misías

Kuzê ki Juan krê flaba kantu ki el fla ma Jizus éra Korderu di Deus?

LISON 75

Diabu tenta Jizus

Diabu tenta Jizus três bês. Kes três tentason éra kuzê? Modi ki Jizus responde?

LISON 76

Jizus linpa ténplu

Pamodi ki Jizus tra kes animal di ténplu i rabida méza di kes algen ki ta trokaba dinheru?

LISON 77

Un mudjer ta panha agu na posu

Un mudjer samaritana fika spantadu kantu Jizus pâpia ku el. Pamodi? Kuzê ki Jizus fla kel mudjer ki el ka flaba ningen?

LISON 78

Jizus prega mensaji di Reinu

Jizus konvida alguns di se disiplus pa ser ‘piskadoris di ómis.’ Dipôs, el trena 70 disiplu pa prega notísias sábi.

LISON 79

Jizus faze txeu milagri

Ka ta nporta undi ki el staba, duentis ta bai atxaba el pa el djuda-s i el ta kuraba tudu es. Ti kel minina ki staba mortu el da-l vida otu bês.

LISON 80

Jizus skodje 12 apóstlu

Pa kuzê ki el skodje-s? Bu ta lenbra di ses nómi?

LISON 81

Un diskursu na monti

Jizus inxina lisons inportanti pa monti algen ki staba djuntadu.

LISON 82

Jizus inxina se disiplus ora

Ki tipu di kuzas Jizus fla se disiplus pa ‘es kontínua ta pidi’?

LISON 83

Jizus da monti algen kumida

Kuzê ki kel milagri li ta inxina-nu sobri Jizus ku Jeová?

LISON 84

Jizus anda riba di agu

Bu ta konsigi imajina modi ki apóstlus xinti kantu es odja kel milagri la?

LISON 85

Jizus faze kura na sábadu

Pamodi ki nen tudu algen ka fika kontenti ku kuza ki Jizus faze?

LISON 86

Jizus resusita Lázaru

Kantu Jizus odja Maria ta txora, el kumesa ta txora tanbê. Má ka dura ses tristéza bira alegria.

LISON 87

Últimu Páskua di Jizus

Kantu Jizus staba ta kume djuntu ku se apóstlus el da-s orientason inportanti.

LISON 88

Jizus podu prézu

Judas Iskariótis txiga ku txeu algen armadu, ku spada i ku pó, asi pa es pode poi Jizus prézu.

LISON 89

Pedru nega Jizus

Kuzê ki kontise na kintal di kaza di Kaifás? Kuzê ki kontise ku Jizus la?

LISON 90

Jizus móre na Gólguta

Pamodi ki Pilátus manda mata Jizus?

LISON 91

Jizus resusitadu

Ki kuza stranhu kontise dipôs ki Jizus matadu?

LISON 92

Jizus parse pa piskadoris

Kuzê ki el faze pa txoma atenson di se disiplus?

LISON 93

Jizus volta pa Séu

Antis di el bai Séu, el da se disiplus alguns orientason rei di inportanti.

LISON 94

Disiplus resebe spritu santu

Spritu santu pô-s ta faze ki milagri?

LISON 95

Ka tinha nada ki ta paraba es

Kes xéfi di relijion ki mata Jizus, tenta poi disiplus para di prega. Má es ka konsigi.

LISON 96

Jizus skodje Saulu

Saulu éra un inimigu violéntu di kristons, má el sta ben mudaba.

LISON 97

Kornéliu resebe spritu santu

Pamodi ki Jeová fla Pedru pa bai kaza di un algen ki ka éra judeu?

LISON 98

Ensinus di Jizus spadja pa txeu nason

Apóstlu Polu ku se kunpanherus misionáriu kumesa ta prega pa lugaris más lonji.

LISON 99

Un guarda di kadiâ prende verdadi

Kuzê ki un dimóni, un tremor di téra i un spada ten aver ku kel stória li?

LISON 100

Polu ku Timótiu

Dôs ómi ki pa txeu anu sirbi Jeová djuntu sima dôs amigu.

LISON 101

Polu lebadu pa Roma

Viaji staba xeiu di prigu, má ka ten nada ki ta paraba kel apóstlu.

LISON 102

Juan tevi vizons

Jizus mostra Juan txeu vizon sobri futuru.

LISON 103

‘Pa bu Reinu ben’

Kuzas ki Juan odja ta mostra modi ki Reinu di Deus ta ben muda vida na Téra.