Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Notísias sábi di Deus pa bo!

 LISON 5

Kuzê ki Deus krê faze ku Téra?

Kuzê ki Deus krê faze ku Téra?

1. Pamodi ki Deus kria Téra?

Jeová kria Téra pa nos. Téra é nos kaza. Primeru ómi ku mudjer, Adon ku Eva, ka fazedu pa mora na séu, pamodi Deus dja fazeba anjus pa vive na séu. (38:4, 7) Deus poi primeru ómi na un paraízu bunitu ki ta txomadu jardin di Éden. (Gênesis 2:15-17) Jeová da Adon i tudu se fidjus xansi di vive pa tudu ténpu na Téra. — Lé Salmo 37:29; 115:16.

Na komésu, paraízu éra sô na jardin di Éden. Éra pa primeru ómi ku mudjer intxiba Téra ku ses fidjus. Ku ténpu, es ta tomaba kónta di Téra interu i es ta biraba el un paraízu. (Gênesis 1:28) Téra nunka ka ta distruídu. Sénpri el ta ser nos kaza. — Lé Salmo 104:5.

2. Pamodi ki Téra ka sta paraízu más?

Jeová poi Adon ku Eva fóra di jardin pamodi es ka obi ku El. Es perde paraízu i ningen ka konsigi rekupera-l. Désdi kel ténpu, algen mau sta ta kontrola mundu. — Lé Gênesis 3:23, 24.

É Jeová ki ka konsigi faze kuzê ki el kreba pa nos? Nau! El é tudu-poderozu; nunka el ka ta fadja. (Isaías 45:18) Deus ta ben poi tudu algen ta vive sima el kreba. — Lé Salmo 37:11, 34.

3. Modi ki Paraízu ta ben rekuperadu?

Deus skodje un rei, ki é Jizus, pa ben rekupera Paraízu na Téra. Jizus ku se anjus ta ben kaba ku tudu algen ki é kóntra Deus, na un géra ki ta txomadu Armajedon. Dipôs, Jizus ta ben poi Satanás prézu pa 1.000 anu. Povu di Deus  ta ben salva di distruison pamodi Jizus ta orienta-s i ta proteje-s. Es ta ben goza vida pa tudu ténpu na Paraízu na Téra. — Lé Revelação (Apocalipse) 20:1-3; 21:3, 4.

4. Ki ténpu ki sufrimentu ta ben kaba?

Ki ténpu ki Deus ta ben kaba ku maldadi na Téra? Jizus da un ‘sinal’ pa mostra ma fin sta pértu. Kuzas ki sta ta kontise na mundu gósi, ta poi vida di tudu algen na prigu i ta mostra ma nu sta ta vive na ‘fin di es sistéma’. — Lé Mateus 24:3, 7-14, 21, 22.

Na 1.000 anu, Jizus ta ben governa di séu pa kaba ku tudu sufrimentu na Téra. (Isaías 9:6, 7; 11:9) Tanbê, Jizus ta ben ser saserdóti prinsipal pa kaba ku pekadu di kes algen ki ta ama Deus. Asi, Deus ta uza Jizus pa ben kaba ku duénsa, bedjisa i mórti. — Lé Isaías 25:8; 33:24.

5. Ken ki ta ben vive na Paraízu ki sta pa ben?

Na Salon di Reinu, bu ta ba konxe pesoas ki ta ama Deus i ki krê prende pô-l fika kontenti

Ken ki obi ku Deus ta ben vive na Paraízu. (1 João 2:17) Jizus manda se disiplus pa ba djobe algen mansu i pa inxina-s faze vontadi di Deus. Gósi, Jeová sta pripara milhons di algen pa vive na Paraízu na Téra ki sta pa ben. (Sofonias 2:3) Na Salons di Reinu di Tistimunhas di Jeová, pesoas ta prende bira midjór maridu i midjór pai, midjór mudjer i midjór mai. Famílias ta adora Deus djuntu i es ta prende vive midjór pamodi kuzas ki Deus ta inxina-s. — Lé Miquéias 4:1-4.