Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Notísias sábi di Deus pa bo!

 LISON 7

Kuzê ki é Reinu Di Deus

Kuzê ki é Reinu Di Deus

1. Kuzê ki é Reinu di Deus?

Pamodi ki Jizus é midjór Rei ki ten? — MARCOS 1:40-42.

Reinu di Deus é un govérnu na séu. El ta ben toma lugar di tudu govérnu i el ta ben poi vontadi di Deus ta fazedu na séu ku na Téra. Notísias di Reinu di Deus é sábi. Ka ta dura, es Reinu ta ben prenxe falta ki ómi ta xinti di un bon govérnu. Es Reinu ta ben poi tudu algen na Téra ta bira unidu ku kunpanheru. — Lé Daniel 2:44; Mateus 6:9, 10; 24:14.

Un reinu ten ki ten un rei. Jeová skodje se Fidju, Jizus Kristu, pa ser Rei di Se Reinu. — Lé Revelação (Apocalipse) 11:15.

2. Pamodi ki Jizus é midjór Rei ki ten?

Fidju di Deus é midjór Rei ki ten pamodi el é bon algen i el é justu. (João 1:14) Dja ki Jizus ta ben governa Téra la di séu, el ta ben ten puder ki ta da pa djuda tudu algen. Dipôs ki el resusitadu, el bai pa séu, el xinta na ladu dreta di Jeová i el fika ta spéra. (Hebreus 10:12, 13) Dipôs, Deus da-l puder pa el kumesa governa. — Lé Daniel 7:13, 14.

3. Ken ki ta ba governa ku Jizus?

Un grupu ki ta txomadu ‘santus’ ta ba governa ku Jizus na séu. (Daniel 7:27) Primeru ki skodjedu é kes apóstlu fiel di Jizus. Má ti inda Jeová sta ta skodje ómis ku mudjeris fiel pa ser santu. Es ta resusitadu ku korpu spritual sima Jizus. — Lé João 14:1-3; 1 Coríntios 15:42-44.

 Kantu algen ki ta bai pa séu? Jizus txoma kel grupu ki ta bai pa séu di ‘ribanhu pikinoti’. (Lúkas 12:32, BPK) Dipôs, óras ki djunta 144 mil algen, es ta ben governa Téra djuntu ku Jizus. — Lé Revelação (Apocalipse) 14:1.

4. Kuzê ki kontise kantu Jizus kumesa governa?

Reinu di Deus kumesa governa na 1914. * Primeru medida ki Rei Jizus toma é tra Satanás i se dimónis di séu i bota-s pa Téra. Satanás fika uma xatiadu i el kumesa ta faze disgrasa na Téra. (Revelação [Apocalipse] 12:7-10, 12) Désdi kel ténpu, prublémas di mundu bira mutu más txeu. Géra, fómi, duénsa i tremor di téra ta faze párti di un ‘sinal’ ki ta mostra ma ka ta dura Reinu ta ben kontrola tudu kuza na Téra. — Lé Lúkas 21:7, 10, 11, 31, BPK.

5. Kuzê ki Reinu di Deus ta ben faze?

Ku trabadju di pregason na mundu interu, Reinu di Deus dja sta ta djunta un monti di algen di tudu párti di mundu. Milhons di pesoas mansu sta ta dexa Jizus governa-s. Reinu di Deus ta ben proteje-s óras ki el kaba ku es mundu mau. Asi, tudu ken ki krê pa Reinu di Deus djuda-l, debe prende faze kuzê ki Jizus ta fla. — Lé Revelação (Apocalipse) 7:9, 14, 16, 17.

Na 1.000 anu, Reinu ta ben faze kuzê ki Deus sénpri kreba pa tudu algen. Téra interu ta ben bira un paraízu. Dipôs, Jizus ta torna da Reinu pa se Pai. (1 Coríntios 15:24-26) Ten algun algen ki bu konxe ki bu ta gostaba di pâpia ku el di Reinu di Deus? — Lé Salmo 37:10, 11, 29.

 

^ par. 6 Pa sabe más modi ki profesia di Bíblia ta leba-nu pa anu 1914, djobe pájinas 215-218 di livru O Que a Bíblia Realmente Ensina?, na purtugês.