Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Notísias sábi di Deus pa bo!

 LISON 1

Ki notísias sábi é kes-li?

Ki notísias sábi é kes-li?

1. Ki notísias sábi Deus ten pa bo?

Deus krê pa tudu algen goza vida na Téra. El kria Téra ku tudu kuza ki ten na el pamodi el ta ama-nu txeu. Ka ta dura, Deus ta ben toma medida pa tudu algen na mundu ten un futuru midjór. El ta ben kaba ku kuzas ki ta pô-nu ta sufri. — Lé Jeremias 29:11.

Ninhun govérnu ka konsigi kaba ku violénsia, duénsa nen mórti. Má ten notísias sábi. Falta poku, pa Deus ben troka tudu govérnu di ómi pa se própi govérnu. Kes algen ki seta govérnu di Deus ta ben vive ku pas i bon saúdi. — Lé Isaías 25:8; 33:24; Daniel 2:44.

2. Má pamodi ki nu meste di es notísia sábi gósi li?

Pa sufrimentu kaba Deus ten ki kaba ku tudu algen mau na Téra. (Sofonias 2:3) Ki ténpu ki kel-li ta ben kontise? Palavra di Deus dja flaba kes kuza mariadu ki sta kontise gósi i ki tene mundu na prigu. Kuzas ki sta kontise gósi ta mostra ma falta poku ténpu pa Deus ben toma medida. — Lé 2 Timóteo 3:1-5.

3. Kuzê ki nu ten ki faze?

Nu ten ki prende di Deus na Bíblia ki é se Palavra. Bíblia é sima un karta di un pai ki krê-nu txeu. Bíblia ta fla-nu modi ki nu pode ten un vida midjór gósi i modi ki nu pode vive pa tudu ténpu na Téra, na futuru. Ten algen ki pode ka krê pa bu resebe ajuda pa studa Bíblia. Má ka bu dexa ningen pô-u perde xansi di ganha un futuru midjór. — Lé Provérbios 29:25; Revelação (Apocalipse) 14:6, 7.