Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Notísias sábi di Deus pa bo!

 LISON 6

Kal ki é speransa pa ken ki dja móre?

Kal ki é speransa pa ken ki dja móre?

1. Kal ki é notísias sábi sobri mortus?

Kantu Jizus txiga Betânia, ki ta fikaba pértu di Jiruzalen, dja pasaba kuatu dia ki Lázaru, se amigu, móre. Jizus bai djuntu ku Marta ku Maria, irmans di Lázaru, pa undi ki ses irmon staba sipultadu. Kel óra djunta monti algen. Bu ta konsigi imajina modi ki Marta ku Maria fika kontenti kantu Jizus poi Lázaru vive otu bês? — Lé João 11:21-24, 38-44.

Marta dja sabeba ma ten un speransa pa ken ki dja móre, ma Jeová ta ben resusita mortus pa vive otu bês na Téra. — Lé 14:14, 15.

2. Kuzê ki ta kontise ku nos óras ki nu móre?

Deus fla Adon: ‘Bo é téra i pa téra bu ta bai otu bês.’ — GÊNESIS 3:19.

Tudu algen fazedu di téra. (Gênesis 2:7; 3:19) Nos é ka spritu ki sta déntu di un korpu. Nton, ka ten nada na nos ki ta kontínua bibu dipôs ki nu móre. Óras ki nu móre, nos sérbru tanbê ta móre, i tudu kuza ki nu ta pensa i ki nu ta xinti ta kaba. Pur isu, Lázaru ka konta nada di kuzê ki kontise ku el kantu ki el staba mortu, pamodi algen mortu ka ta pensa nen ka ta xinti nada. — Lé Salmo 146:4; Eclesiastes 9:5, 6, 10.

Dipôs ki algen móre, Deus ta tormenta-l na lumi? Bíblia ta fla ma algen mortu ka ta xinti nada. Nton, fla ma Deus ta tormenta algen na lumi di inférnu é un ofénsa pa el. Deus ten raiba di ideia di tormenta algen na lumi di inférnu. — Lé Jeremias 7:31.

 3. Algen mortu pode pâpia ku nos?

Algen mortu ka ta pâpia nen ka ta obi. (Salmo 115:17) Má ten anjus mau ki ta finji ma es é algen ki dja móre pa es pode pâpia ku nos. (2 Pedro 2:4) Jeová ta fla ma nu ka debe nen tenta pâpia ku algen ki dja móre. — Lé Deuteronômio 18:10, 11.

4. Ken ki ta ben vive otu bês?

Milhons di algen ki dja móre ta ben vive otu bês na Téra. Ti kes algen ki ka konxe Deus i ki faze kuzas mariadu ta ben resusitadu. — Lé Lúkas 23:43, BPK; Atus 24:15, BPK.

Kes algen ki resusitadu pode ben prende verdadi di Deus. Si es obi ku Jizus es ta mostra ma es ten fé na el. (Revelação [Apocalipse] 20:11-13) Kes algen ki ben vive otu bês i faze kuzas dretu, ta ganha vida na Téra pa tudu ténpu. — Lé João 5:28, 29.

5. Kuzê ki resureison ta inxina-nu di Jeová?

Kantu Deus manda se Fidju pa ben móre pa nos, el da speransa pa kes algen ki dja móre. Resureison ta inxina-nu amor ku bondadi di Jeová, ki nu ka merese. Ken ki más bu ten gana di odja óras ki algen mortu ben vive otu bês? — Lé João 3:16; Romanos 6:23.