Bai pa asuntu

Bai pa sugundu menu

Tistimunhas di Jeová

Kabuverdianu

Kuzê ki bu ta spéra di futuru?

Kuzê ki bu ta spéra di futuru?

Bu ta atxa ma mundu . . .

  • ta fika sima sta?

  • ta piora?

  • ta midjora?

 KUZÊ KI BÍBLIA TA FLA

Deus “ta linpa di ses odju tudu lágua, i ka ta ten más mórti, nen más txoru, nen gritu di dór, nen dór. Kuzas di pasadu ka ta ben más.” — Apocalipse 21:4, Tradução do Novo Mundo.

DI KI MANERA KEL-LI TA DJUDA-U?

Bu ta ben ten. . .

Trabadju ki bale péna i ki ta da-u aligria. — Isaías 65:21-23.

Vida sen duénsa i sen sufrimentu. — Isaías 25:8; Isaías 33:24.

Vida filís i pa sénpri djuntu di ken ki bu ta ama. — Salmo 37:11, 29.

 NU PODE KÚNFIA NA BÍBLIA?

Sin, pa dôs motivu:

  • Deus ten puder di kunpri se promésa. Na Bíblia sô Jeová ta txomadu di Deus “Tudu-Poderozu,” si puder ka ten limiti. (Apocalipse 15:3) Pur isu, nu ta kúnfia na se promésa di torna mundu un lugar midjór. Sima Bíblia ta fla “pa Deus tudu kuza é posível.” — Mateus 19:26.

  • Deus ten vontadi di kunpri se promésa. Pur izénplu, Jeová ta xinti sodadi di kes algen ki dja móre i el tene gana di da-s vida. — 14:14, 15.

Bíblia ta mostra ki Fidju di Deus, Jizus, kura duentis. Pamodi ki el faze-l? Pamodi el kreba. (Marcos 1:40, 41) Jizus ta imitaba tudu manera di ser di se Pai, pur isu el ta djudaba algen. — João 5:19.

Nu pode ten sertéza ma Jeová i Jizus krê da tudu algen, un vida filís na futuru. — Salmo 72:12-14; Salmo 145:16; 2 Pedro 3:9.

 PENSA NA KEL PURGUNTA LI

Modi ki Deus ta ben midjora mundu?

Bíblia ta da respósta na MATEUS 6:9, 10 i DANIEL 2:44.

Sabe más

NOTÍSIAS SÁBI DI DEUS PA BO!

Kuzê ki Deus krê pa Téra?

Bíblia ta splika pamodi ki Deus kria Téra, ki ténpu ki sufrimentu ta kaba i kuzê ki futuru ta ben traze pa Téra i pa ken ki ta ben vive na el.

NOTÍSIAS SÁBI DI DEUS PA BO!

Kuzê ki é Reinu di Deus?

Ken ki é Rei di Reinu di Deus i kuzê ki Reinu ta ben faze?