Bai pa asuntu

Bai pa sugundu menu

Tistimunhas di Jeová

Kabuverdianu

Kuzê ki é Reinu di Deus?

Kuzê ki é Reinu di Deus?

Bu ta atxa ma é. . .

  • un kuza ki sta na nos korason?

  • filisidadi na Séu?

  • un govérnu na Séu?

 KUZÊ KI BÍBLIA TA FLA

‘Deus di Séu ta ben traze un reinu ki ka ta kaba nunka más.’ — Daniel 2:44, Tradução do Novo Mundo.

‘Nu dadu un fidju; i govérnu ta ben sta riba se onbru.’ — Isaías 9:6.

DI KI MANERA KEL-LI TA DJUDA-U?

Es govérnu justu pode. . .

  • djuda-u na bu vida oji. — Isaías 48:17, 18.

  • traze saúdi i alegria na futuru paraízu. — Apocalipse 21:3, 4.

 NU PODE KÚNFIA NA BÍBLIA?

Sin, pa dôs motivu:

  • Jizus da un ideia di mudansas ki Reinu di Deus ta ben faze. El inxina se sigidoris ora pa Reinu di Deus ben i pa se vontadi fazedu na Téra. (Lucas 11:2) Jizus mostra modi ki kel orason li ta ser respondedu.

    Na ténpu ki el staba na Téra, Jizus da kumida pa ken ki tinha fómi, el kura duenti i ti mortu el resusita! (Mateus 15:29-38; João 11:38-44) Jizus, ki é futuru governanti di Reinu di Deus, el da un ideia di kuzas maravilhozu ki es Reinu ta ben faze pa ken ki seta-l. — Apocalipse 11:15.

  • Situason di mundu oji ta mostra ma Reinu di Deus sta kuazi ta ben. Jizus dja flaba ma, antis di Reinu ben poi pas na Téra, mundu ta fikaba kada bês más xeiu di géra, fómi i tremor di téra. — Mateus 24:3, 7.

    Oji, nu sta odja tudu kes kuza li ta kontise. Nton, nu pode ten sertéza ma ka ta dura Reinu di Deus ta ben kaba ku tudu prublémas.

 PENSA NA KEL PERGUNTA LI

Modi ki vida ta ben ser dibaxu di Reinu di Deus?

Bíblia ta da respósta na SALMO 37:29 i ISAÍAS 65:21-23.

Sabe más

NOTÍSIAS SÁBI DI DEUS PA BO!

Kuzê ki Deus krê pa Téra?

Bíblia ta splika pamodi ki Deus kria Téra, ki ténpu ki sufrimentu ta kaba i kuzê ki futuru ta ben traze pa Téra i pa ken ki ta ben vive na el.