Bai pa asuntu

Bai pa sugundu menu

Tistimunhas di Jeová

Kabuverdianu

Ken ki sta manda na mundu?

Ken ki sta manda na mundu?

Bu ta atxa ma é. . .

  • Deus?

  • ómi?

  • Satanás?

 KUZÊ KI BÍBLIA TA FLA

“Mundu interu sta na puder di malvadu.” — 1 João 5:19, Tradução do Novo Mundo.

‘Jizus ben pa kaba ku tudu kel ki Diabu faze.’ — 1 João 3:8.

DI KI MANERA KEL-LI TA DJUDA-U?

Bu ta. . .

ntende prublémas di mundu. — Apocalipse 12:12.

ten sertéza ma mundu ta ben ser un lugar midjór. — 1 João 2:17.

 NU PODE KÚNFIA NA BÍBLIA?

Sin, pa três motivu:

  • Govérnu di Satanás sta kuazi ta kaba. Jeová sta disididu na ben kaba ku Satanás i se govérnu. Tanbê El faze promésa di ben konpo kes disgrasa ki Diabu faze. — Hebreus 2:14.

  • Deus da Jizus puder pa governa mundu. Jizus é diferenti di Satanás. El é un bon rei i el ta pensa na nos tudu. Óra ki el ben governa, ’el ta xinti péna di koitadu i di póbri. . . el ta libra se alma di abuzu i di violénsia.’ — Salmo 72:13, 14.

  • Deus ka ta konta mintira. Nu ta lé na Bíblia: ’É ka posível pa Deus konta mintira.’ (Hebreus 6:18) Jeová é un Deus di palavra — kel ki el promete, el ta kunpri. (Isaías 55:10, 11) Di sertéza, ’governanti des mundu ta ben botadu fóra.’ — João 12:31.

 PENSA NA ES PURGUNTA

Modi ki mundu ta ben fika óra ki govérnu di Satanás kaba?

Bíblia ta da respósta na SALMO 37:10, 11 i APOCALIPSE 21:4.

Sabe más

NOTÍSIAS SÁBI DI DEUS PA BO!

Kuzê ki Deus krê pa Téra?

Bíblia ta splika pamodi ki Deus kria Téra, ki ténpu ki sufrimentu ta kaba i kuzê ki futuru ta ben traze pa Téra i pa ken ki ta ben vive na el.